Хитай һөкүмити сүрийә қозғилаңчилирини уйғур елидики вәқәләргә чатмақта

Мухбиримиз җүмә
2013-07-01
Share

Хитай ахбарати дүшәнбә күндики хәвәрлиридә уйғур елидики вәқәләргә сүрийә өктичи күчлири сәвәбчи икәнликини, әсәд һөкүмитигә қарши уруш қиливатқан қозғилаңчиларниң бу нөвәтлик вәқәни кәлтүрүп чиқарған уйғурларни тәрбийилигәнликини билдүрди.

Хитай компартийиси башқурушидики “йәршари вақит гезити” бу һәқтики хәвиридә шәрқий түркистанчи күчләрниң түркийә арқилиқ сүрийәгә киргәнликини вә шу йәрдә қораллиқ тәрбийә көргәнликини илгири сүрди.

Хәвәрдә бу һәқтә мундақ дейилди: шәрқий түркистанчи күчләр сүрийәдә, хитай территорийисигә суқунуп кирип террорлуқ һуҗуми қилидиған әзалирини таллиди.

Хәвәрдә көрситишичә, хитай һөкүмити сүрийәдә тәрбийилинип киргәнлики илгири сүрүлгән мәмәт ели исимлик бир уйғурни қолға чүшүргән.

Дуня уйғур қурултийи баянатчиси дилшат ришит бу хәвәрниң ишәнчлик әмәсликини билдүрди вә: уйғурларниң паспорт  елиши шунчә тәслишип кәткән турса, улар нәдиму сүрийәгә қачалисун?-деди.

Хитай даирилири откән һәптә хотән вә турпанда йүз бәргән вәқәләрни “террорлуқ вәқәси” дәп атиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт