Xitay hökümiti süriye qozghilangchilirini Uyghur élidiki weqelerge chatmaqta

Muxbirimiz jüme
2013-07-01
Élxet
Pikir
Share
Print

Xitay axbarati düshenbe kündiki xewerliride Uyghur élidiki weqelerge süriye öktichi küchliri sewebchi ikenlikini, esed hökümitige qarshi urush qiliwatqan qozghilangchilarning bu nöwetlik weqeni keltürüp chiqarghan Uyghurlarni terbiyiligenlikini bildürdi.

Xitay kompartiyisi bashqurushidiki "Yershari waqit géziti" bu heqtiki xewiride sherqiy türkistanchi küchlerning türkiye arqiliq süriyege kirgenlikini we shu yerde qoralliq terbiye körgenlikini ilgiri sürdi.

Xewerde bu heqte mundaq déyildi: sherqiy türkistanchi küchler süriyede, xitay térritoriyisige suqunup kirip térrorluq hujumi qilidighan ezalirini tallidi.

Xewerde körsitishiche, xitay hökümiti süriyede terbiyilinip kirgenliki ilgiri sürülgen memet éli isimlik bir Uyghurni qolgha chüshürgen.

Dunya Uyghur qurultiyi bayanatchisi dilshat rishit bu xewerning ishenchlik emeslikini bildürdi we: Uyghurlarning pasport  élishi shunche tesliship ketken tursa, ular nedimu süriyege qachalisun?-dédi.

Xitay da'iriliri otken hepte xoten we turpanda yüz bergen weqelerni "Térrorluq weqesi" dep atighan idi.

Toluq bet