Америка ташқий ишлар министири блинкен хитайниң русийәни қоллиғанлиқини қаттиқ тәнқид қилған

Мухбиримиз әркин
2022.07.11
Share on WhatsApp
Share on WhatsApp

Америка ташқий ишлар министири антоний блинкен өткән шәнбә күни, йәни 10-июн һиндонезийәниң бали шәһиридә өткүзүлгән 20 дөләт гуруһиниң ташқий ишлар министирлири йиғинида хитай ташқий ишлар министири ваң йи билән айрим көрүшүп, 5 саәттин артуқ сөһбәт елип барған. “блумберг хәвәрлири” агентлиқиниң билдүрүшичә, блинкен сөһбәттин кейин хитайниң русийәни қоллиғанлиқини қаттиқ тәнқид қилған. Блинкенниң ейтишичә, у ваң йиға хитайниң украина урушида битәрәп әмәсликини, чүнки ениқ таҗавузчилиқ болғанда битәрәп дәйдиған нәрсә болмайдиғанлиқини ейтқан.

Блинкен йәнә хитай рәһбири ши җинпиңниң йеқинда русийә (президеденти) владимир путинға телефон қилиши, бейҗиңниң москвани қоллаватқанлиқиниң дәлили икәнликини билдүргән. Америка ташқий ишлар министирлиқиниң исмини ашкарлашни халимайдиған бир йоқури дәриҗилик әмәлдариниң билдүрүшичә, сөбәттә һәр икки тәрәп кәйнигә янмиған болсиму, бирақ сөһбәт сәмимий, кәспий вә очуқ-ашкара болған. Сөһбәттә блинкен ваң йиға американиң хитай билән болған мунасивәтни риқабәт характерлик, дәп қарайдиғанлиқи, буниң немидин дерәк беридиғанлиқи вә униң мәнисидин американиң нуқтиинәзәрини шәрһийлигән.

“блумберг хәвәрлири” ниң ейтишичә, хитай тәрәп сөһбәтниң “иҗабий” болғанлиқи, қарши тәрәпни “хата мөлчәрләш” тин сақлинишқа ярдими болуши мумкинликини билдүргән, лекин америка-хитай мунасивәтлириниң сабиқ президент трамп пәйда қилған “қийинчилиқлар” дин келип чиқмиғанлиқини илгири сүргән.

Хәвәрдә йәнә билинкенниң тәйвән боғузидики җиддийлик, хоңкоң демократийәси вә шинҗаңдики мәҗбурий әмгәккә охшаш талаш-тартишта болуватқан мәсилиләрни оттуриға қоюш билән биргә, ваң билән “‍ихтилаплиқ мәсилиләрни һәл қилиш, шундақла хәтәрни контрол қилиш вә азайтишниң йоллири” ни сөзләшкән. “блумберг хәвәрлири” ниң ейтишичә, блинкен йәнә ваң йиға “һазир хитайниң русийәни украина портлирини қамал қилишни ахирлаштуруп, парахотларниң ашлиқ експортиға йол қоюшқа чақириш вақти кәлгәнлики” ни ейтқан.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.