Русийә таможна хадимлири хитайларниң зор миқдардики әткәс янфонлирини мусадирә қилған

Мухбиримиз үмидвар
2018-02-18
Елхәт
Пикир
Share
Принт

Русийә билән хитай арисидики сода-иқтисадий вә сиясий мунасивәтләрниң қоюқлишишиға қаримастин, русийә тәрәп хитай пуқралириниң русийәдики җинайи қилмишлириға зәрбә беришниму күчәйтиватқан болуп, хитай пуқралири тәрипидин садир қилинған қилмишлар ичидә әткәсчилик муһим салмақни игиләйдикән.

Йеқинда, русийәниң йирақ шәрқидики хитай билән чегридаш забайкалсикй, йәни хитай тәрәптин манҗурийә өткили дәп аталған чегра еғизида русийә таможна хадимлири хитайдин русийәгә қанунсиз елип кирилгән 2000 әтрапида янфон вә башқа әткәс малларни қолға чүшүргән.

Радийомиз хитай тили бөлүминиң хәвәр қилишичә, русийә забайкалсикй чегра еғизи аптомобилларни тәкшүрүш понкитида хитай тәрәптин кәлгән аптобус тәкшүрүлгәндә, хитай пуқралириниң йүклири арисиға йошурулған 1937 данә янфон тепилған болуп, булар алма, нокея, самсуң янфонлири вә башқа хитайда ишләнгән мәһсулатлар икән.

Русийәниң т а с с агентлиқиниң йезишичә, мәзкур янфонлардин башқа йәнә хитай пуқралириниң йүклири арисидин 834 килограм химийилик оғут, деһқанчилиқ дориси, 147 қап тамака вә башқа әткәс маллар байқалған. Русийә тәрәп буларниң һәммисини мусадирә қилған шуниңдәк бу вәқәни русийә таможнисидики әң зор янфон әткәсчилик вәқәси дәп бекиткән.

Русийә мәтбуатлири нөвәттә хитайдин янфон әткәс қилиш вәқәлириниң әң еғир икәнлики, русийә базарлиридики хитай көчмә телефон үскүнилириниң көпиниң әткәсчилик йоли билән киргүзүлгәнликини йезишмақта. 2017-Йики, өктәбирдә забайкалский чегра еғизида хитайдин қанунсиз киргүзүлгән 680 данә «iPhone» қолға чүшүрүлгәникән.

Пикирләр (0)
Share
Толуқ бәт