Rusiye tamozhna xadimliri xitaylarning zor miqdardiki etkes yanfonlirini musadire qilghan

Muxbirimiz ümidwar
2018-02-18
Élxet
Pikir
Share
Print

Rusiye bilen xitay arisidiki soda-iqtisadiy we siyasiy munasiwetlerning qoyuqlishishigha qarimastin, rusiye terep xitay puqralirining rusiyediki jinayi qilmishlirigha zerbe bérishnimu kücheytiwatqan bolup, xitay puqraliri teripidin sadir qilin'ghan qilmishlar ichide etkeschilik muhim salmaqni igileydiken.

Yéqinda, rusiyening yiraq sherqidiki xitay bilen chégridash zabaykalsiky, yeni xitay tereptin manjuriye ötkili dep atalghan chégra éghizida rusiye tamozhna xadimliri xitaydin rusiyege qanunsiz élip kirilgen 2000 etrapida yanfon we bashqa etkes mallarni qolgha chüshürgen.

Radiyomiz xitay tili bölümining xewer qilishiche, rusiye zabaykalsiky chégra éghizi aptomobillarni tekshürüsh ponkitida xitay tereptin kelgen aptobus tekshürülgende, xitay puqralirining yükliri arisigha yoshurulghan 1937 dane yanfon tépilghan bolup, bular alma, nokéya, samsung yanfonliri we bashqa xitayda ishlen'gen mehsulatlar iken.

Rusiyening t a s s agéntliqining yézishiche, mezkur yanfonlardin bashqa yene xitay puqralirining yükliri arisidin 834 kilogram ximiyilik oghut, déhqanchiliq dorisi, 147 qap tamaka we bashqa etkes mallar bayqalghan. Rusiye terep bularning hemmisini musadire qilghan shuningdek bu weqeni rusiye tamozhnisidiki eng zor yanfon etkeschilik weqesi dep békitken.

Rusiye metbu'atliri nöwette xitaydin yanfon etkes qilish weqelirining eng éghir ikenliki, rusiye bazarliridiki xitay köchme téléfon üskünilirining köpining etkeschilik yoli bilen kirgüzülgenlikini yézishmaqta. 2017-Yiki, öktebirde zabaykalskiy chégra éghizida xitaydin qanunsiz kirgüzülgen 680 dane "iPhone" qolgha chüshürülgeniken.

Toluq bet