Русийә билән хитай бирлишип ишләйдиған филимгә қазақ режиссорлуқ қилмақчи

Мухбиримиз үмидвар
2015-10-25
Share


Хитай билән русийә бирлишип ишләйдиған бир кино филимигә режиссорлуқ қилишқа хитай тәрәптин қазақ аял режиссор, йәни 1980 - йилларда уйғур кино көрүрмәнлири арисида күчлүк тәсир қалдурған “йетим қизниң муһәббити” филимидики миллий армийәниң қиз җәңчисиниң ролини алған артист җанар сағат тәйинләнгән.

Хитайниң “деңтйән көңүл ечиш гуруһи” билән русийә “өрләш филим ширкити”бирлишип, 1941 - 1945 - йиллиридики совет - герман урушиға қатнашқан бир хитай әскәрниң қәһриманлиқ иш - излири һекайә қилинған “русийәдә чоң болған җуңголуқ” филимини ишләшкә киришкән.

“җуңго уйғурчә радио тори”ниң хәвәр қилишичә, мәзкур филимни ишләшкә хитай тәрәптин қазақ режиссори җанар сағат тәйинләнгән. Җанар сағат бу филим вәқәликиниң раст вәқәликтин келип чиққанлиқини билдүргән.

Мәзкур режиссорниң тәрҗимһалиға аит учур мәнбәлиридә ейтилишичә, бейҗиңда туғулуп өскән җанар сағатниң ата - аниси әслидә үрүмчидә хизмәт қилған, кейин бейҗиңға йөткәлгән икән. Җанар сағат тунҗи қетим 1986 - йили тәңритағ кино истудийәси ишлигән 1944 - 1949 - йиллардики миллий азадлиқ инқилабиға аит “йетим қизниң муһәббити” филимидә баш рол алған иди. Бу филим үрүмчидә миллий армийә уруш вә күрәш һаятиға аит бир қәдәр тәпсилирәк ишләнгән тунҗи һекайә филим иди. Униңдин кейин һазирғичә мундақ темида филим ишләнмигәнлики мәлум.

Җанар сағат 1989 - 1994 - йиллири арисида москва кино институтида мәхсус режиссорлуқ кәспидә оқуған. Җанар сағат илгири кейин русийә вә украинаниң қатнишиши астидики “қизил глас”, “полат қандақ тавланди” филимлиригә режиссорлуқ қилишқа қатнашқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт