Русийә 80 тонна хитай белиқини сақта мал сүпитидә чәклигән

Мухбиримиз үмидвар
2017-02-19
Share


Русийәниң кесәлликләрдин мудапиә көрүш органлири санкитпетербургдики деңиз портида хитайдин тошуп келингән 80 тонна белиқниң русийә базарлириға киришини чәклигән.

Радиомиз хитай тили бөлүминиң русийә учур мәнбәлири асасида хәвәр қилишичә, русийә федератсийәси һайванатлар кесәлликлири вә өсүмлүкләр тазилиқини назарәт қилиш идариси «испанийә мәһсулати» дегән хәтләр бесилған мәхсус йәшикләргә қачиланған белиқлар үстидин тәкшүрүш елип берип, нәтиҗидә, бу белиқларниң испанийәниң әмәс, бәлки хитай мәһсулати икәнлики вә буларниң хитайдин йөткәп келингәнликини ениқлап чиққан.。

Русийә федератсийә учур агентлиқи мәзкур 80 тонна белиқни «сақта һөҗҗәтлири» көрситилгән вә «хитайдин тошулған хәтәрлик белиқ» дәп атиған һәм бу сақта мәһсулатниң тән сағламлиққа зиян селиш әндишиси билән хитайға қайтуриветилгәнликини язған.

Бу вәқә һәр қайси русийә хәвәр агентлиқлириниң сәһипилиридин орун алған болуп, хәвәрләрдә ейтилишичә тәкшүрүш арқилиқ белиқ қачиланған қәғәз йәшикләрниңму өлчәмгә лайиқ әмәслики вә көплигән йәшикләрдә төшүк барлиқи, булардин киргән зәһәрлик маддилар нәтиҗисидә йәшиктики белиқларда булғиниш пәйда болуп, истималчиларға зиян селиши мумкинликини көрсәткән,

Русийә даирлири ахири мәзкур 80 тонна сақта мал һесабланған хитай белиқ мәһсулатини чегридин киригүзүшни чәкләп, буларни өз игисигә қайтуривәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.