Rusiye xitayning "Ündidar" torini rusiyede ishlitishni cheklidi

Muxbirimiz ümidwar
2017-05-07
Share

Rusiye da'iriliri xitayning ündidar ijtima'iy alaqe torini rusiyede ishlitishni chekligen. Rusiyening "Utro.Ru" qatarliq tor sehipilirining xewiride körsitilishiche, rusiye uchur-alaqe nazaret idarisi 5-may küni uqturush tarqitip, ündidarning rusiyede birdek halda 4-may künidin étibaren taqalghanliqini élan qilghan.

Bir qanche kündin buyan rusiyediki bir qanche ündidar tor alaqisi teminleydighan torlar ishtin toxtighandin sirt yene yanfonlargha qachilan'ghan ündidar söz qaldurush we söz ewetish wasitilirimu taqalghan.

Hazirche rusiye da'irilirining ündidar torini ishlitishni cheklishining konkrét sewebi éniq emes bolsimu,emma bu heqte her xil qiyaslar mewjut.

Rusiyening ündidar torini cheklishi rusiye prézidénti wladimir putinning kéler hepte xitayni ziyaret qilip, xitay rehbiri shi jinping bilen körüshüshi hemde "Bir belwagh, bir yol" yighinigha qatnishishi aldigha toghra kelgen idi.

Melum bolushiche, buningdin ilgiri rusiye "Line", "blackberry", "imo" qatarliq alaqe wasitilirini rusiyede qollinishni chekligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.