Русийәдә «коңзи хитай тили мәктипи» ачқан бир хитай муһаҗир қолға елинди

Мухбиримиз үмидвар
2017-11-12
Елхәт
Пикир
Share
Принт

Йеқинда русийәниң санкитпетербург шәһиригә җайлашқан «хитай мәркизи» вә «коңзи хитай тили мәктипи» ниң қурғучиси әткәсчилик делоси билән тутқун қилинған.

20 Йилдин буян русийәдә яшап, хитай тили вә мәдәнийитини тарқитиш ишлири билән шуғуллиниватқан шу чав исимлик мәзкур хитай муһаҗири русийәниң даңлиқ рәсимлирини әткәсчилик йоли билән хитайға тошуш җәрянида қолға чүшкән. 

Радиомиз хитай тили бөлүминиң хәвәр қилишичә, русийәдә «коңзи хитай тили мәктипи» вә «хитай мәркизи» қуруп, узун йиллардин буян паалийәт қиливатқан шу чав айродромда рәсимләрни хитайға елип меңиш җәрянида таможна хадимлири тәрипидин қолға чүшкән һәм бу йил 10-айда санкитпетербург соти уни сотлиған шуниңдәк у өз җинайитини етирап қилған.

Бу хәвәр русийә мәтбуатлирида кәң хәвәр қилинған. Мәтбуатларда униң русийәдә «хитай мәдәнийити вә тилини тарқитиш» билән шуғуллиниш билән биргә русийәниң қиммәтлик мәдәнийәт буюмлири әткәсчилики билән шуғулланғанлиқи гәвдиләндүрүлгән.

Шу чав буниңдин илгири даим хитай вә русийә тәрәпкә икки дөләтниң мәдәнийәт алақилири, болупму рәссамлириниң рәсим көргәзмиси өткүзүш қатарлиқларға ярдәмләшкән икән.

Пикирләр (0)
Share
Толуқ бәт