Rusiyede "Kongzi xitay tili mektipi" achqan bir xitay muhajir qolgha élindi

Muxbirimiz ümidwar
2017-11-12
Share

Yéqinda rusiyening sankitpétérburg shehirige jaylashqan "Xitay merkizi" we "Kongzi xitay tili mektipi" ning qurghuchisi etkeschilik délosi bilen tutqun qilin'ghan.

20 Yildin buyan rusiyede yashap, xitay tili we medeniyitini tarqitish ishliri bilen shughulliniwatqan shu chaw isimlik mezkur xitay muhajiri rusiyening dangliq resimlirini etkeschilik yoli bilen xitaygha toshush jeryanida qolgha chüshken. 

Radi'omiz xitay tili bölümining xewer qilishiche, rusiyede "Kongzi xitay tili mektipi" we "Xitay merkizi" qurup, uzun yillardin buyan pa'aliyet qiliwatqan shu chaw ayrodromda resimlerni xitaygha élip méngish jeryanida tamozhna xadimliri teripidin qolgha chüshken hem bu yil 10-ayda sankitpétérburg soti uni sotlighan shuningdek u öz jinayitini étirap qilghan.

Bu xewer rusiye metbu'atlirida keng xewer qilin'ghan. Metbu'atlarda uning rusiyede "Xitay medeniyiti we tilini tarqitish" bilen shughullinish bilen birge rusiyening qimmetlik medeniyet buyumliri etkeschiliki bilen shughullan'ghanliqi gewdilendürülgen.

Shu chaw buningdin ilgiri da'im xitay we rusiye terepke ikki döletning medeniyet alaqiliri, bolupmu ressamlirining resim körgezmisi ötküzüsh qatarliqlargha yardemleshken iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet