Хитай билән русийәниң «достлуқи» узунға бармаслиқи тәхмин қилинмақта

Мухбиримиз әзиз
2017-10-03
Елхәт
Пикир
Share
Принт

Хитай билән русийәниң арқиму-арқидин бирләшмә һәрбий маневир өткүзүши, шуниңдәк икки тәрәпниң шималий корейә мәсилисидә охшаш мәйданда туруши хитай билән русийәниң һәмкарлиқ мунасивитидә болуватқанлиқиниң бир ипадиси, дәп қаралмақта иди. Әмма «җәнубий хитай сәһәр гезити» ниң бүгүнки саниға бесилған карий хуаңниң хитай-русийә мунасивитиниң кәлгүси тәрәққияти һәққидики мақалида бу «достлуқ» ниң узун давамлашмаслиқи қияс қилиниду.

Мақалида көрситилишичә, американиң русийә вә хитай билән болған мунасивитиниң барғансери җиддийлишиши буниңдики асаслиқ сәвәб икән. Чүнки мәйли хитай болсун яки русийә болсун һәр иккиси өзлириниң йәр шари миқясидики тәсирини ашуруш үчүн бир күчлүк «дост» қа, йәни америкиға моһтаҗ икән.

Мақалә апториниң қаришичә, хитай билән русийә оттурисидики чегра дуня бойичә әң узун дөләт чеграси болсиму, улар тарих, мәдәнийәт, дин вә әнәнә җәһәтләрдә һечқанчә ортақлиққа игә әмәс икән. Тарих нуқтисидин русийә яки хитай бирдәк өзлирини әң «қалтис» сиясий күч, дәп қарайдикән. Тарихтин буян уларниң оттурисидики һәмкарлиқ һәрқачан қисқа мәзгил давам әткән болуп, һәрқачан пәш қеқиш билән ахирлашқан икән. Җүмлидин 1950-йиллардики «достлуқ» тин тартип вийетнам уруши вә афғанистан урушиғичә болған мәзгилләрдики мунасивәт изчил мушу йосунда давам қилған икән.

Пикирләр (0)
Share
Толуқ бәт