Xitay bilen rusiyening "Dostluqi" uzun'gha barmasliqi texmin qilinmaqta

Muxbirimiz eziz
2017-10-03
Share

Xitay bilen rusiyening arqimu-arqidin birleshme herbiy manéwir ötküzüshi, shuningdek ikki terepning shimaliy koréye mesiliside oxshash meydanda turushi xitay bilen rusiyening hemkarliq munasiwitide boluwatqanliqining bir ipadisi, dep qaralmaqta idi. Emma "Jenubiy xitay seher géziti" ning bügünki sanigha bésilghan kariy xu'angning xitay-rusiye munasiwitining kelgüsi tereqqiyati heqqidiki maqalida bu "Dostluq" ning uzun dawamlashmasliqi qiyas qilinidu.

Maqalida körsitilishiche, amérikaning rusiye we xitay bilen bolghan munasiwitining barghanséri jiddiylishishi buningdiki asasliq seweb iken. Chünki meyli xitay bolsun yaki rusiye bolsun her ikkisi özlirining yer shari miqyasidiki tesirini ashurush üchün bir küchlük "Dost" qa, yeni amérikigha mohtaj iken.

Maqale aptorining qarishiche, xitay bilen rusiye otturisidiki chégra dunya boyiche eng uzun dölet chégrasi bolsimu, ular tarix, medeniyet, din we en'ene jehetlerde héchqanche ortaqliqqa ige emes iken. Tarix nuqtisidin rusiye yaki xitay birdek özlirini eng "Qaltis" siyasiy küch, dep qaraydiken. Tarixtin buyan ularning otturisidiki hemkarliq herqachan qisqa mezgil dawam etken bolup, herqachan pesh qéqish bilen axirlashqan iken. Jümlidin 1950-yillardiki "Dostluq" tin tartip wiyétnam urushi we afghanistan urushighiche bolghan mezgillerdiki munasiwet izchil mushu yosunda dawam qilghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.