Хитай даирилири орманчилиқ назаритиниң сабиқ назири мәмәт абдулланиң "икки йүзлимичилик" билән җазаланғанлиқини инкар қилди

Мухбиримиз әркин
2020-06-05
Share

Хитай даирилири баянат елан қилип, уйғур аптоном районлуқ орманчилиқ назаритиниң сабиқ назири мәмәт абдулланиң "икки йүзлимичилик" билән җазаланғанлиқини инкар қилди вә америка таратқулириниң бу һәқтики хәвәрлирини "тоқулма" дәп тәнқид қилди.

Уйғур аптоном районлуқ орманчилиқ назаритиниң сабиқ назири мәмәт абдулла 2017-йили хитай һөкүмитиниң уйғур дияридики чоң тутқуни башланған, нурғун уйғур кадирлар "икки йүзлимичилик" билән әйиблинип қолға елинған мәзгилдә тутқун қилинған иди.

Бу тутқунда 3 милйондәк уйғур лагерларға қамилип, көплигән уйғур кадирлар қамақ җазалириға һөкүм қилинған иди. Сабиқ назир мәмәт абдулланиң америкадики пәрзәнтлириниң ашкарилишичә, хитай даирилири униңға 2019-йили сентәбирдә сот ечип, өмүрлүк қамақ җазасиға һөкүм қилған шундақла униң һөкүмгә наразилиқ билдүрүп қилған әрзиниму рәт қилған. Радийомиз илгири униң "икки йүзлимичилик" билән әйиблинип тутқун қилинғанлиқини дәлиллигән иди.

Лекин уйғур аптоном районлуқ һөкүмәт өткән 1-июн күни ахбарат елан қилип, мәмәт абдулланиң америкадики қизи сүбһи мәмәткә һуҗум қилған. Сүбһи мәмәт йеқинда "америка авази" радийосиниң зияритини қобул қилған иди. Хитайниң "йәр шари вақти гезити" ниң билдүрүшичә, уйғур аптоном районлуқ һөкүмәтниң баяначиси елиҗан инайәт сүбһи мәмәтниң сөзлирини "пүтүнләй тоқулма, хәлқара җамаәт пикрини қаймуқтурғанлиқ, дадисини қоллиғанлиқ, җуңгониң шинҗаң сияситигә һуҗум қилғанлиқ," дәп әйиблигән.

Униң илгири сүрүшичә, мәмәт абдулла "парихорлуқ вә һоқуқидин пайдилинип пайда елиш" билән җазаланған икән. Лекин мәмәт абдулла буниңдин 12 йил бурун пенсийигә чиққан болуп, елиҗан инайәт пенсийигә чиқаан бу кишиниң қайси һоқуқидин пайдиланғанлиқини чүшәндүрмигән. Уйғур кишилик һоқуқ тәшкилатлириниң илгири сүрүшичә, хитай һөкүмити уйғур кадирлирини тазилашта "икки йүзлимичилик", "парихорлуқ", "һоқуқини суйиистемал қилиш" дегәндәк намлардин пайдиланмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт