Уйғур елида 16 милйон 850 миңдин артуқ адәм “омумий хәлқ саламәтлик тәкшүриши” гә қатнаштурулған

Мухбиримиз қутлан
2017.01.01

Игилинишичә, даириләр бу йил 9-айдин 12-айниң ахириғичә уйғур аптоном райони бойичә “омумий хәлқ саламәтлик тәкшүртүш қурулуши” ни җиддий рәвиштә елип барған.

Хәлқ ториниң илгири сүришичә, 27-декабирға қәдәр уйғур аптоном районида җәмий 16 милйон 850 миң аһалә саламәтлик тәкшүрүш программисиға қатнаштурулған.

Хәвәрдә дейилишичә, уйғур аптоном райони бойичә омумий хәлқ саламәтлик тәкшүрүш программисиға қатнаштурулған кишиләрниң нисбити 96 пирсәнткә йәткән.

Буниң ичидә җәнубтики үч вилайәт вә бир областтин җәмий тоққуз милйондин артуқ аһалә саламәтлик тәкшүрүшкә қатнаштурулған болуп, бу йәрдики омумий аһалиниң 98 пирсәнтини тәшкил қилған. Хәвәрдә дейилишичә “омумий хәлқ саламәтлик тәкшүртүш қурулуши” хотән вилайитидә 100 пирсәнт орунланғанлиқи мәлум.

Радийомизниң хотән, қәшқәр қатарлиқ җайлардики йәрлик уйғурлардин әһвал илгилишичә, “саламәтлик тәкшүрүш” қурулуши мәҗбурий йосунда елип берилған. Бу җәрянда һәр бир шәхсниң қан өрники, д н а өрники вә башқа физикилиқ шәхсий учурлири елип қелинип, компитотерда архиплаштурулған.

Көзәткүчиләр, бу “қурулуш” ниң ноқул һалда “саламәтлик тәкшүрүш” ла болуп қалмастин, бәлки вәзийити күнсери мурәккәплишип кетиватқан уйғур елида аһалиларниң шәхсий учурлирини торлаштуруп, районни узаққичә муқим идарә қилиштики бир хил истератегийәлик пилан болуши мумкин, дегән гуманни тәхмин қилмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.