Aqsuda 8 milyon 252 ming adem qétimdin artuq salametlik tekshürüshi élip bérilghan

Muxbirimiz erkin
2020-05-01
Élxet
Pikir
Share
Print

Xitayning Uyghur aptonom rayonida 2016-yili bashlighan omumiy xelq heqsiz salametlik tekshürüsh namidiki beden tekshürüsh herikitide aqsu wilayitidiki puqralargha qarita töt yil ichide 8 milyon 252 ming 400 adem qétim salametlik tekshürüshi élip bérilghan. "Aqsu géziti" ning 30-aprél tarqatqan bir xewiride bu wilayettiki bu yilliq salametlik tekshürüshining hazirmu dawam qiliwatqanliqi, puqralarning maska taqap salametlik tekshürüshke qatnishiwatqanliqi bildürülgen.

Xitay hökümiti 2016-yili Uyghur aptonom rayoni miqyasida mejburiy salametlik tekshürüsh herikiti bashlap, Uyghurlarning salametlik uchur arxipi we ghayet zor DNA ambirini qurghan. Arqidinla Uyghur, qazaq we bashqa musulman milletlerni keng kölemlik tutqun qilip, lagérlargha qamash herikiti bashlan'ghan. Bu kishilik hoquq teshkilatlirida xitayning omumiy xelq heqsiz salametlik tekshürüsh herikitining meqsiti qarita qattiq guman qozghighanidi.

Ular xitayning omumiy xelq salametlik tekshürüshi Uyghurlarning salametlik uchuri we DNA ewrishkisini yighip, ularni téximu qattiq kontrol qilishni meqset qilghanliqi, buning sistémiliq adem ichki eza etkeschilikige yol achidighanliqini agahlandurghanidi. Aqsu wilayetlik "Sehiye-salametlik komitéti" asasi qatlam ishxanisining bir mes'ul xadimining "Aqsu géziti" ge tekitlishiche, mezkur wilayet yéqinqi 4 yildin buyan salametlik tekshürüshke 680 milyon yüen chiqim qilip, 13 ming 90 adem qétim tekshürüsh xadimi ajratqan.

Toluq bet