Санҗида көмүр кан партлап аз дегәндә 21 адәм өлгән

Мухбиримиз әркин
2013-12-13
Share

Җүмә күни, уйғур елиниң санҗи районидики бир көмүр кенида йүз бәргән партлаш вәқәсидә аз дегәндә 21 адәм өлгән. Партлаш 12‏-декабир күни саәт 1:34 дә йүз бәргән болуп, партлаш йүз бәргәндә кан астида 34 нәпәр ишчи мәшғулат елип бериватқан икән.

Ишчилардин 12 нәпири қечип қутулған. Хитай ахбарати шу күни елан қилған хәвәрлиридә, 22 нәпәр ишчиниң кан астида қамилип қалғанлиқи, қутқузуш хадимлириниң кан астидики ишчиларни издәватқанлиқи билдүрүлгән иди.

Шинхуа агентлиқиниң җүмә күни елан қилған хәвиридә ашкарилишичә, канда астида қамилип қалған 22 ишчидин 21 нәпири өлгән. Вәқә метан газиниң партлап кетиши сәвәблик келип чиққан. Мутәхәссисләрниң илгири сүрүшичә, бу хил паҗиәләр кан қудуқида метан газини сиртқа йоллайдиған туруба йоли болмиғанлиқи қатарлиқ сәвәбләрдин келип чиқидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт