Sanjida kömür kan partlap az dégende 21 adem ölgen

Muxbirimiz erkin
2013-12-13
Share

Jüme küni, Uyghur élining sanji rayonidiki bir kömür kénida yüz bergen partlash weqeside az dégende 21 adem ölgen. Partlash 12‏-dékabir küni sa'et 1:34 de yüz bergen bolup, partlash yüz bergende kan astida 34 neper ishchi meshghulat élip bériwatqan iken.

Ishchilardin 12 nepiri qéchip qutulghan. Xitay axbarati shu küni élan qilghan xewerliride, 22 neper ishchining kan astida qamilip qalghanliqi, qutquzush xadimlirining kan astidiki ishchilarni izdewatqanliqi bildürülgen idi.

Shinxu'a agéntliqining jüme küni élan qilghan xewiride ashkarilishiche, kanda astida qamilip qalghan 22 ishchidin 21 nepiri ölgen. Weqe métan gazining partlap kétishi seweblik kélip chiqqan. Mutexessislerning ilgiri sürüshiche, bu xil paji'eler kan quduqida métan gazini sirtqa yollaydighan turuba yoli bolmighanliqi qatarliq seweblerdin kélip chiqidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet