Xitay da'irilirining Uyghurlar diyaridiki "Saqchi döliti" qurulushini tézlitiwatqanliqi muhakime qilindi

Muxbirimiz eziz
2017-03-15
Share

Xitay hökümitining Uyghurlar diyaridiki zorluq küchi arqiliq qarshiliq körsitish heriketlirige "Qattiq zerbe bérish" heqqidiki chaqiriqliri xitaydiki herqaysi axbarat wasitiliride keng yer alghan bir peytte, da'irilerning Uyghurlar diyarida ghayet zor meblegh serp qilip "Saqchi döliti" qurulushini tézlitiwatqanliqi we buninggha alaqidar mesililer muhakime qilindi.

Uyghurlar diyaridiki siyasiy weziyetni yéqindin közitip kéliwatqan mutexessislerdin jéymis léybold we adryan zénz 14-mart küni amérikidiki jéymyis tawn wexpining "Xitay xewerliri" sehipiside özlirining Uyghurlar diyari heqqidiki eng yéngi tetqiqat netijisini élan qildi. Maqalide qeyt qilinishiche, 2009-yilidiki ürümchi "5-Iyul weqesi" din kéyin Uyghurlar diyarida yéngidin 90 ming saqchi qobul qilin'ghan, jama'et xewpsizlik xamchoti bolsa 356% ashqan. Xitay re'isi shi jinpingning eng yéqinqi yolyoruqlirida bolsa Uyghurlar diyari "Xitaydiki térrorluqqa qarshi küreshning aldinqi sépi" dep teswirlenmekte iken.

Maqalide éytilishiche, bu xildiki saqchi qobul qilish xizmiti hazirmu jiddiy dawam qiliwatqan bolup, tarixta misli körülmigen bixeterlik tedbirliri üchün xizmet qildurulmaqta iken. Bu tedbirler gerche teshwiqat wasitiliride "Döletning bixeterliki we xelqning amanliqi üchün yolgha qoyulmaqta" déyilsimu, aptorlarning qarishiche, pütünley Uyghurlarni téximu qattiq kontrol qilishni axirqi nishan qilghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.