Xitayning saqchilar arqiliq "Muqimliq" berpa qilghanliqtin maxtinishi tenqidke uchridi

Muxbirimiz eziz
2019-07-09
Share

Xitay hökümitining bashqurushidiki "Yer shari waqti géziti" 7-iyul küni maqale élan qilip "Ötken 30 ayda shinjang rayonida héchqandaq zorluq heriketliri yüz bermidi" dep jakarlighan hemde saqchilar qoshunining bu xil "Muqimliq" üchün ghayet zor hesse qoshqanliqigha apirin éytqan.

Xewerde éytilishiche, 2013-yilidin 2016-yilighiche bolghan ariliqta Uyghurlar diyarida 127 saqchi xadimining xizmet üstide ölgen. Emma "Térrorluqqa we esebiylikke qarshi turush" tedbirliri ijra bolghandin kéyin bu ehwalda tüplük özgirish hasil bolghan. Aptorlar birnechche saqchi xadimini ziyaret qilish arqiliq ularning bayanlirini öz sözige "Ispat" qilghan.

Halbuki, alaqidar mutexessisler Uyghurlar diyarini "Yer sharidiki eng chong saqchi döliti" dep teswirlep kéliwatqan bolup, milyonlighan Uyghurning "Terbiyilesh" namida qamaqqa élinishi buning eng tipik misali boluwatqanliqi melum. Analizchilar bu heqte pikir qilip "Barche ademni qamaqqa élip, bu yerde héchqandaq mesile chiqmidi, dep maxtinish uchigha chiqqan bimenilik we hamaqetlik" dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet