Uyghur élidiki saqchi organliridin 18 kolléktip bilen 37 neper shexske béyjingda mukapat bérilgen

Muxbirimiz qutlan
2017-05-22
Élxet
Pikir
Share
Print

Chén chüen'goning Uyghur élida yürgüzüwatqan bir yürüsh qattiq qol siyasetliri xelq'ara jem'iyetning diqqitini qozghawatqan bir peytte xitay merkiziy hökümiti béyjingda tentenilik murasim ötküzüp j. X. Sistémisi boyiche xizmet körsetken kolléktip we shexslerge mukapat bergen.

"Ürümchi kechlik géziti" ning bu heqtiki xewirige qarighanda, xitay da'iriliri bu qétim Uyghur élidiki saqchi organliridin 18 kolléktip bilen 37 neper shexsni tallap chiqip mukapat bergen.

Ularning ichide kucha nahiyelik j. X. Idarisi, ghulja sheherlik j.X. Idarisi, qeshqer yéngi sheher nahiyelik j. X. Idarisi qatarliq 18 kolléktip bilen ghulja sheherlik j. X. Idarisi 1-chong etretning mu'awin bashliqi nurzaman mömin, Uyghur aptonom rayonluq j. X. Nazariti 21-bashqarmisi 1-tarmaq etretning bashliqi dilshat qéyyum qatarliq 38 shexs mukapatlan'ghan.

Mukapatlash yighinida xitay boyiche jama'et xewpsizliki sistémisidiki "1-Derijilik qehriman nemunichi", xoten wilayetlik j. X. Idarisining mu'awin bashliqi, qoshumche qaraqash nahiyelik j. X. Idarisining siyasiy komissari murat shéripjan xitaydiki 10 dangliq saqchining biri süpitide söz qilghan.

Közetküchiler, xitay hökümiti béyjinggha chaqirtip alahide mukapat bergen yuqiriqi saqchi xadimlirining emeliyette öz yurtidiki milletdashlirini, yeni yerlik Uyghurlarning eng eqelliy yashash teleplirini rehimsizlik bilen basturghan we "Xizmet körsitip" yuqirigha yamishishni meqset qilghan insanlar bolushi mumkinlikini texmin qilmaqta.

Toluq bet