Chén chüen'go "Xelqqe qulayliq saqchi ponkitliri" diki saqchilargha yalghan délo melum qilip, iqtidarini sinighan

Muxbirimiz irade
2017-02-23
Élxet
Pikir
Share
Print

Xitay axbarat wasitilirining xewer qilishiche, Uyghur rayonluq partkomning sékrétari chén chüen'go 21-féwral küni tuyuqsiz yoshurun halda kochilargha chiqip, ürümchi shehiridiki bir qisim qoralliq saqchi qisimlirining weqeni bir terep qilishtiki téz inkas qayturush iqtidarini sinighan.

Yer shari waqti gézitining xewiridin qarighanda, chén chüen'go neq meydan'gha yétip kep bolghan "Xelqqe qulayliq saqchi ponkiti" dep atiliwatqan saqchixanidiki qoralliq saqchilarni maxtap, ularni herwaqit "Birikme mush" étishqa teyyar turup, téz inkas qayturup, herqandaq jiddiy weqeni eng qisqa waqit ichide bir terep bolushni qayta tapilighan.

Chén chüen'goning yuqiridiki sözliri Uyghur kishilik hoquq pa'aliyetchilirining naraziliqini qozghidi. D u q bayanatchisi dilshat rishit, chén chüen'goning bu sözi arqiliq Uyghur élida keng ijra qiliniwatqan "Sotsiz ölüm" herikitini yenimu teshebbus qilip, qoralliq qisimlarni righbetlendürüwatqanliqini bildürdi.

Derweqe, Uyghur rayonini idare qilghan wang léchüen qatarliq xitay rehberlirining hemmisi öz mezgilliride "Jiddiy weqelerni eng téz sür'ette bir terep qilish, yiltizidin qurutush, béshini kötürmey turup ujuqturush, aldin bayqash" dégen'ge oxshash radikal sözlerni qollan'ghan idi. Ularning bu teshubbusliri we ijraliri xelq'ara kishilik hoquq organlirining küchlük tenqidige uchrap kelmekte.

Toluq bet