Uyghur élidiki nahiyeler dawamliq saqchi qobul qilmaqta

Muxbirimiz irade
2019-02-01
Élxet
Pikir
Share
Print

Xitay da'irilirining Uyghur élining herqaysi yéza-bazarlirigha yene köplep saqchi xadimi qobul qiliwatqanliqi melum.

1-Féwral küni, lopnur nahiyelik hökümet tor bétide lopnur nahiyesidiki herqaysi qulayliq saqchi ponkitliri we tekshürüsh-charlash béketlirining xizmitini kücheytish meqsitide yene 200 neper saqchi xadimi qobul qilidighanliqi heqqide uqturush chiqarghan.

Lopnur nahiyelik hökümet yene, nahiyening teptish idarisige jem'iyettin 7 neper pütükchi qobul qilidighan bolup, uqturushta iltimas qilghuchilarning döletning siyasetlirini chin dilidin qollaydighan bolushi shert qilinip, iltimas qilghuchilar eger döletning birliki, milletler ittipaqliqini, muqimliqni qoghdash siyasetlirini qizghinliq bilen himaye qilmisa we ilgiri bölgünchilik heriketlirige, qanunsiz dini pa'aliyetlerge qatnashqan bolsa iltimasining qobul qilinmaydighanliqi eskertilgen.

1-Féwral küni yene, korla sheherlik hökümet ishxanisimu uqturush élan qilip, korlidiki atalmish "Ammigha qulayliq saqchi ponkitliri" üchün jem'iyettin 200 neper saqchi xadimi qobul qilidighanliqini jakarlighan.

Xitay da'iriliri Uyghur élide ikki milyon'ghiche bolghan Uyghur we bashqa yerlik milletlerni "Qayta terbiyelesh lagérliri" gha solap, rayonda alliqachan yuqiri bésimliq siyaset yürgüzüwatqan bir shara'itta yene toxtimay saqchi we bixeterlik xadimlirini seplishi diqqet qozghimaqta.

Téxi yéqinda yopurgha nahiyelik j x idarisi xitay ölkiliridin nahiyege 200 neper kespiy xadim qobul qilidighanliqini élan qilghan idi. Amérikidiki "Jéymis towén fondi jem'iyiti" namliq tetqiqat orginining ötken yili noyabirda élan qilin'ghan doklatida körsitilishiche, xitayning 2017‏-yili Uyghur aptonom rayonida bixeterlikke alaqidar qurulushlargha serp qilghan puli 3 hesse artqan.

Toluq bet