Валмарт хитайдики дуканлиридин сахта ешәк гөшини еливетишкә мәҗбур болған

Мухбиримиз җүмә
2014-01-04
Share

Хитайда даңлиқ аталмиш ешәк гөшиниңму ялған икәнлики, хитайда «ешәк гөши» дәп валмартта сетилған гөшләрниң әмәлийәттә түлкә гөши икәнлики ашкариланған.

Шу вәҗидин валмарт ширкити хитайдики дуканлиридин ешәк гөши мәһсулатини еливетишкә мәҗбур болған.

Ройтерсниң хәвәр қилишичә, шәндуңдики йемәк – ичмәк бихәтәрликини тәкшүрүш идариси валмартта сетилған ешәк гөши үстидин DNA тәҗрибиси ишләп, бу гөшләрниң сахта икәнликини байқиған.

Бу, хитайда 400 гә йеқин талла базири ачқан валмарт үчүн бир шум хәвәр һесаблинидикән.

Хәвәрләргә қариғанда, валмарт йеқин кәлгүсидә хитайдики дукан санини 500 гә йәткүзүш үчүн қурулуш башлиған болуп, бу ешәк гөш сәтчилики кишиләрниң валмартқа болған ишәнчини суслаштурулған.

Хитайда йемәк-ичмәк бихәтәрлики еғир мәсилиләрниң бири.

Йеқинда, хитайда әврәз йоли юндилиридин айрилған май, чашқан гөшидин ишләнгән «қой гөши кавипи» қатарлиқларниң базарға селинғанлиқи һәққидики хәвәрләр уйғур истемалчилар арисида муназирә қилинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт