Walmart xitaydiki dukanliridin saxta éshek göshini éliwétishke mejbur bolghan

Muxbirimiz jüme
2014-01-04
Élxet
Pikir
Share
Print

Xitayda dangliq atalmish éshek göshiningmu yalghan ikenliki, xitayda "Éshek göshi" dep walmartta sétilghan göshlerning emeliyette tülke göshi ikenliki ashkarilan'ghan.

Shu wejidin walmart shirkiti xitaydiki dukanliridin éshek göshi mehsulatini éliwétishke mejbur bolghan.

Roytérsning xewer qilishiche, shendungdiki yémek – ichmek bixeterlikini tekshürüsh idarisi walmartta sétilghan éshek göshi üstidin DNA tejribisi ishlep, bu göshlerning saxta ikenlikini bayqighan.

Bu, xitayda 400 ge yéqin talla baziri achqan walmart üchün bir shum xewer hésablinidiken.

Xewerlerge qarighanda, walmart yéqin kelgüside xitaydiki dukan sanini 500 ge yetküzüsh üchün qurulush bashlighan bolup, bu éshek gösh setchiliki kishilerning walmartqa bolghan ishenchini suslashturulghan.

Xitayda yémek-ichmek bixeterliki éghir mesililerning biri.

Yéqinda, xitayda ewrez yoli yundiliridin ayrilghan may, chashqan göshidin ishlen'gen "Qoy göshi kawipi" qatarliqlarning bazargha sélin'ghanliqi heqqidiki xewerler Uyghur istémalchilar arisida munazire qilin'ghan idi.

Toluq bet