Хитайда ишләнгән електронлуқ сахта мәһсулатлар америка таможнисида тосуп қелинди

Мухбиримиз меһрибан
2013-08-01
Share

Йеқиндин буян америка-хитай һәмкарлишип елип барған сахта мәһсулатларға зәрбә бериш һәрикитидә, америка таможниси хитайда ишләнгән 243 миң данә сахта електронлуқ мәһсулатни мусадирә қилған. Мәлум болушичә буларниң ичидә алма(Apple) ширкити, самсуң ширкити, блакберрй ширкити қатарлиқларниң маркилири чапланған сахта телефонлар көп салмақни игиләйдикән.

Америка таможна идариси хадими мәтбуатларға бәргән баянатида, америка вә хитай һәмкарлишип елип бериватқан сахта малларға зәрбә бериш һәрикитиниң давамлишиватқиниға бир ай болғанлиқини билдүрүп, «бейҗиң даирилири ахирқи һесабта америка ширкәтлириниң әқлий мүлүк мәһсулатлириниң таҗавузчилиққа учриғанлиқи һәққидики әрзигә җаваб қайтурди» дегән.

Америка чегра башқуруш идарисиниң 2012-йиллиқ статистикисидин мәлум болушичә, хитай америка ширкәтлириниң маллириға тәқлид қилип ишләнгән сахта мәһсулатларни ишләпчиқиридиған әң асаслиқ мәнбә болуп, 2012-йилдики сахта мәһсулатларниң 72% и хитайдин кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.