Xitayda ishlen'gen éléktronluq saxta mehsulatlar amérika tamozhnisida tosup qélindi

Muxbirimiz méhriban
2013-08-01
Élxet
Pikir
Share
Print

Yéqindin buyan amérika-xitay hemkarliship élip barghan saxta mehsulatlargha zerbe bérish herikitide, amérika tamozhnisi xitayda ishlen'gen 243 ming dane saxta éléktronluq mehsulatni musadire qilghan. Melum bolushiche bularning ichide alma(Apple) shirkiti, samsung shirkiti, blakbérry shirkiti qatarliqlarning markiliri chaplan'ghan saxta téléfonlar köp salmaqni igileydiken.

Amérika tamozhna idarisi xadimi metbu'atlargha bergen bayanatida, amérika we xitay hemkarliship élip bériwatqan saxta mallargha zerbe bérish herikitining dawamlishiwatqinigha bir ay bolghanliqini bildürüp, "Béyjing da'iriliri axirqi hésabta amérika shirketlirining eqliy mülük mehsulatlirining tajawuzchiliqqa uchrighanliqi heqqidiki erzige jawab qayturdi" dégen.

Amérika chégra bashqurush idarisining 2012-yilliq statistikisidin melum bolushiche, xitay amérika shirketlirining mallirigha teqlid qilip ishlen'gen saxta mehsulatlarni ishlepchiqiridighan eng asasliq menbe bolup, 2012-yildiki saxta mehsulatlarning 72% i xitaydin kelgen.

Toluq bet