Xitayda yasalghan zor miqdardiki saxta prawa amérikigha kirgen

Muxbirimiz qutlan
2014-10-15
Élxet
Pikir
Share
Print

Amérika soda téléwiziyisi we radi'o torining xewirige qarighanda, xitayda yasalghan zor miqdardiki saxta amérika prawisi yéqindin buyan amérikigha kirishke bashlighan.

Bu saxta pirawilarning yasilish téxnikisi nahayiti yuqiri bolup, amérikining rast pirawiliri bilen perqlendürgüsiz derijige yetkenliki melum.

Amérika tamozhnisi we chégra qoghdash idarisi emeldarining muxbirgha ashkarilishiche, ular séntebirdin buyan xitay chong quruqluqidin amérikigha ewetilgen zor miqdardiki saxta prawini tekshürgen. Ular xitaydin ewetilgen saxta prawa miqdarining nechche yüz yeshikke yetkenlikini bildürgen.

Melum bolushiche, xitayda yasalghan bu saxta amérika pirawilirining qarangghu bazarda sétilish bahasi texminen 150 dollar bolup, uning amérikining qatnash bixeterliki we qanunigha éghir tehdit élip kelgenliki melum.

Xewerde körsitilishiche, bu saxta prawilar chay yeshiki bilen zibuzinnet buyumliri arisigha yoshurulghan. Buning ichide bir türküm mal tapshuruwalghuchilar amérikidiki oxshash bir uniwérsitétta oquwatqan 20 neper xitay oqughuchi iken.

Toluq bet