Sawen nahiyesining bir kentidiki pütün meschitler chiqiwétilgen, meschitke i'ane bergenler tutqun qilin'ghan

Muxbirimiz erkin
2019-02-18
Élxet
Pikir
Share
Print

Sawen nahiyesining lyushogo kenti 210 ming nopusluq mezkur nahiyediki tipik musulman kenti bolup, da'iriler 2018‏-yili bu kenttiki 3 meschitni chéqip tashlighan, uninggha i'ane bergen musulmanlarni tutqun qilghan.

Italiyediki "Zimistan" namliq kishilik hoquq torining 15‏-féwral ashkarilishiche, yerlik da'iriler ötken tili 2‏-ayda "Térrorluqqa qarshi turush we muqimliqni saqlash" namida mezkur kentning 4 neper imamini tutqun qilghan. Shu yili 10‏-aprél küni bu kenttiki 3 meschitni chéqip tüp-tür qiliwetken.

Xewerde, da'irilerning meschitke i'ane bergen musulmanlarning tizimlikini tépiwélip, ularni bir-birlep tutqun qilghanliqi we jem'iy 43 neper kent puqrasining tutqun qilin'ghanliqini bildürgen.

Xewerde bayan qilinishiche, da'iriler erkeklerni tutqun qilish bilen cheklinip qalmay, pütün kenttiki ayallarning her küni kent komitétigha kélip, "Siyasiy öginish" ke qatnishishini telep qilghan. Xewerde yene lyushugo kentidiki meschitler chéqilghan 10‏-aprél küni qoshna jyaxézi kentidiki meschitlerningmu chéqiwétilgenliki, uninggha qoshna yene bir kent-enjixeydiki bir meschit saqlap qélin'ghan bolsimu, biraq uning qubbisi élip tashlinip, panus ésilghanliqi hem ishikige qulup sélin'ghanliqini bildürgen.

Lyushugo kentidiki bir yerlik tunggan puqrasining "Zimistan" torigha bildürüshiche, tutqunlar "Özgirip, özining dini étiqadidin waz kechmigüche qoyup bérilmeydiken." u kompartiyening hazir muqimliqtin bashqa héchqandaq ish bilen chatiqi yoqlighini bildürüp, "Kompartiye pütün tunggan we Uyghur musulmanlirini tutup bolghandin kéyin, din'gha étiqad qilidighan xitaylarni tutushqa bashlaydu" dégen.

Xitayning resmiy sanliq melumatlirida körsitilishiche, sawen nahiyesining nopusi 210 ming bolup, tunggan, qazaq we Uyghurlar mezkur nahiye nopusining üchtin bir qismini teshkil qilidiken.

Toluq bet