Хитай һөкүмити һәр йили 488 милйон парчә сахта учур тарқитидикән

Мухбиримиз җүмә
2016-05-21
Share

Блумберг ториниң хәвәр қилишичә, хитай һөкүмити өз пуқралириниң сәзгүр сиясий муназирә вә сәлбий хәвәрләргә диққәт ағдурушини тосуш үчүн һәр йили иҗтимаий алақә торлириға 488 милйон парчә сахта учур тарқитидикән.

Хәвәргә қариғанда, бу мәлуматлар йеқинда харвард университети хитайниң тор вә иҗтимаий алақә васитилиридики тәшвиқат һәрикити һәққидә һазирлиған бир тәтқиқат доклатида ашкариланған.

Доклатни гарй киң қатарлиқ үч нәпәр тәтқиқатчи бирлишип тәйярлиған. Бу доклат хитайда "50синт партийәси" дәп аталған тәшвиқат ишчилири үстидин елип берилған тунҗи системилиқ тәтқиқат һесаблинидикән.

Мәлум болушичә, бу тәшвиқатчилар торда пикир язғанда, тәқризчиләр билән биваситә муназиригә чүшүп қелиш вә чәтәл һөкмәтлирини мәсхирә қилиштин сақлинидикән.

Әксичә улар тордашларниң диққитини актип вә қизиқ муназирә темилиридин чечип, иҗабий, һөкүмәтни махтайдиған, хитай коммунист партийәсиниң инқилабий тарихини яқилайдиған баһарни йезиш билән мәшғул болидикән.

Хәвәргә қариғанда, бу хилдики учурларни язғучилар хитай тордашлар арисида мәсхирилик һалда "50синт партийәси" дәп аталсиму, әмма уларниң һәқ алғанлиқиға аит учурлар ениқ әмәс икән. Бу хилдики тәшвиқатчиларниң көпинчиси сот, кадирлар башқармиси вә баҗ идариси қатарлиқ органларда ишләйдиған һөкүмәт хадимлири болуп, тәтқиқатчиларниң пәризичә, торда сахта инкас йоллаш уларниң хизмәт мәсулийитиниң бир қисми болушиму мумкин икән.

Бу хил тәшвиқатчилар хитайда чоң типтики вәқәләр йүз бәргәндә бирдинла җиддий һәрикәткә өтишидикән.

2013 - Йили 26 - июл пичанда сақчиханиға һуҗум қилиш вәқәси, 28 - июл учтурпанда сақчи хадимини яриландуруш вәқәлири йүз бәргән иди.

Хәвәргә қариғанда, 2013 - йили уйғур елида қарашлиқ һәрикәтлири йүз бәргән мәзгилдә йәни шу йили июлда хитай компартийәси вә сабиқ инқилабий қәһриманларни мәдһийиләш язмилири тор йүзини бирдинла қаплашқа башлиған.

Хәвәрдә доклатни тәйярлашқа қатнашқан тәтқиқатчиларниң ейтқанлиридин нәқил елип хәвәр қилишичә, "нөвәттики хитай һакимийити чәтәл дүшмән күчлириниң һәрбий таҗавузчилиқиға қариғанда, өз хәлқи қозғайдиған ички топилаңлардин бәкрәк қорқиду" кән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт