Сайрагүл савутбай америкада хәлқаралиқ мукапатқа еришти

Мухбиримиз әзиз
2020-03-04
Share

Америка ташқи ишлар министирлиқи 4-март күни мәхсус мурасим өткүзүп, 2020-йиллиқ «җәсур аяллар хәлқара мукапати» ни тарқатти. Шу қатарда уйғур дияридики лагерлар һәққидә ғәрб дунясиға дәсләп болуп гуваһлиқ бәргән шаһитлардин сайрагүл савутбайму бу йиллиқ 12 нәпәр мукапат саһибиниң бири болуп, мукапатни тапшурувалди.

Мукапат тарқитиш мурасимида америка ташқи ишлар министири майк помпейо вә американиң «биринчи ханими» меленея трамп мәхсус сөз қилди. Майк помпейо сайрагүлниң уйғур дияридики лагерда баштин кәчүргән кәчмишлирини әсләп өткәч, униң батурлуқ билән көкрәк керип алға чиққанлиқи һәмдә хитай һөкүмитиниң лагерлардики вәһшийликлирини дуняға паш қилғанлиқиға юқири баһа бәрди. У «сайрагүл хитай һөкүмитиниң мусулманларға немиләрни қиливатқанлиқи һәққидә тунҗи болуп гуваһлиқ бәргүчиләрниң биридур,» дәп көрсәтти.

Мәлум болушичә, бу йиллиқ мукапат тарқитиливатқили 14 йил болған болуп, ташқи ишлар министирлиқиниң бу мукапати дуня миқясидики аялларниң шиҗаәт вә җәсурлуққа толған түрлүк батуранә паалийәтлирини риғбәтләндүрүшни мәқсәт қилидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт