Xitay tashqi ishlar ministirliqi amérikaning "Jasur ayallar mukapati" gha érishken sayragül sa'utbaygha hujum qildi

Muxbirimiz erkin
2020-03-07
Share

Xitay tashqi ishlar ministirliqi bayanat élan qilip, 4‏-féwral küni amérika tashqi ishlar ministirliqining "Jasur ayallar" mukapatigha érishken monggholkürelik qazaq qizi, lagér shahiti sayragül sa'utbaygha hujum qilghan. Sayragül sa'utbay amérika tashqi ishlar ministirliqining bu yilliq "Jasur ayallar mukapati" gha layiq körülüp, 2019‏-yilidiki 10 dunyawi jesur ayalning biri bolup tallan'ghan. 4‏-Féwral küni amérika tashqi ishlar ministirliqida ötküzülgen murasimda mukapatni uninggha tashqi ishlar ministiri mayk pompé'o teqdim qilghan. U: "Sayragül xitay hökümitining musulmanlargha némilerni qiliwatqanliqi heqqide tunji bolup guwahliq bergüchilerning biridur" dégen.

Xitay tashqi ishlar ministirliqi bayanatchisi jaw lijyen 6‏-mart buninggha inkas bildürüp, sayragül sa'utbayning chégridin qanunsiz ötken qachqun ikenliki, uning qerz aldamchiliqi barliqi, uni héchqachan lagérda turup baqmighanliqi, uning lagérlar heqqidiki sözining böhtan ikenlikini ilgiri sürgen. Uning tekitlishiche amérika sayragül sa'utbayni mukapatlap, "Uning jinayi qilmishini righbetlendürgen." 

Sayragül sa'utbay ilgiri xitayning mongghulküre nahiye'isidiki bir jaza lagérida yétekchi bolghan. U, 2018‏-yili qazaqistandiki a'ilisi bilen jem bolush üchün qazaqistan chégrasidin qanunsiz ötüp, qazaqistan hökümitidin panahliq tiligen. Lékin, uning panahliq iltimasi ret qilin'ghan. Bu jeryanda u lagérda yüz bergen qorqunchluq kemsitish we xorlash qilmishlirini dunyagha ashkarilap, zor ghulghula qozghighan. Uning shahitliqi dunyaning diqqitining lagérlargha burulushida muhim rol oynighan. Shwétsiye ötken yili sayragül sa'utbaygha panahliq bérip, uni a'ilisi bilen shwétsiyege élip kelgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet