Xitay hökümiti Uyghur diyaridiki töt nahiyening sékrétarini teqdirlidi

Muxbirimiz eziz
2021.06.30

Xitay hökümiti özlirining “Kompartiye qurulghanliqining yüz yilliqini tebriklesh” pa'aliyetlirining bir qismi süpitide chira, guma, maralbéshi we shayar nahiyelirining xitay sékrétarlirini teqdirlidi.

Xitay hökümiti bashqurushidiki “Tengritagh tori” ning 29-iyundiki xewiride éytilishiche, bu töt nahiyening sékrétarliri “Memliketlik munewwer nahiye sékrétarliri” dégen teqdirnamige érishken. Xewerde bu shexslerning siyasiy meydanining qet'iy bolghanliqi, shuningdek emeliy töhpisining zor ikenliki alahide tekitlen'gen.

“Shinjang géziti” ning 28-iyundiki xewiride bolsa béyjingda chaqirilghan “Ikkide munewwer birde ilghar” bolghanlarni teqdirlesh yighinida Uyghur diyaridiki saqchi xadimliri we partiye yachéykilirining rehberliri bolup 19 shexsni hemde 11 orunni “Alahide sherep” mukapati bilen teqdirligenliki tilgha élinidu.

Muhajirettiki közetküchiler xitay hökümitining bu herikitini “Xitay hökümranlar guruhini Uyghurlarni basturushta téximu yüreklik bolushqa righbetlendürgenlik” dédi. Amérikadiki musteqil analizchi ilshat hesen bu toghrisida toxtilip؛ “Xitay hökümiti Uyghurlarning qarshiliq herikiti eng köp yüz bergen nahiyelerdiki xitay sékrétarlarni, shuningdek Uyghurlarni basturushta aktip xizmet körsetken saqchi xadimlirini mukapatlash arqiliq sherqiy türkistandiki Uyghurlarni basturush herikitini yolluq qilip körsitishke urunmaqta. Bu ularning tajawuzchiliq tebi'itini téximu ashkara namayan qilidu” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.