Amérika herbiy qomandani xitay sénkaku (dyawyü) ariligha hujum qilsa amérika yaponiyeni qoghdaydu, dédi

Muxbirimiz erkin
2016-01-28
Share

Amérika tinch okyan flotining qomandani, admiral xarriy xaris, igilik hoquqi yaponiye-xitay otturisida talash-tartishtiki sénkaku (dyawyü) arilida toqunush partlisa, amérika yaponiyege yardemliship xitaygha taqabil turidu, dégen.

Xarriy xaris, sénkaku (dyawyü) arilining amérika-yaponiye ortaq bixeterlik shertnamisige asasen qoghdilidighanliqini bildürgen. Admiral xaris bu sözni charshenbe küni amérika tetqiqat orni‏-istratégiye we xelq'ara tetqiqat merkizide sözligen nutqida tekitligen.

Emma u yene, xitayni poténsi'al tajawuzchi, dep körsetken. Prézidént obamani öz ichige alghan amérika hökümet emeldarliri izchil sénkaku arili 1960‏-yili imzalan'ghan amérika-yaponiye ortaq bixeterlik shertnamisining qoghdash da'irisige kiridighanliqini eskertip kelgen bolsimu, emma ular hazirgha qeder xitayni "Poténsi'al tajawuzchi" dep atap baqmighan idi.

Admiral xaris yene, xitayning jenubiy déngiz aralliridiki ayrodrom qurulushi heqqide toxtilip, buning herbiyleshtürüsh herikiti ikenlikini, amérika bu arallarning etrapida dawamliq charlash élip baridighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet