Японийә қоралланған хитай парахотиниң сенкакуға йеқин җайда һәрикәт қилғанлиқини билдүрди

Мухбиримиз ирадә
2015-12-23
Елхәт
Пикир
Share
Принт

Японийә чаршәнбә күни бир хитай деңиз қоғдиғучи парахотиниң талаш-тартиштики сенкаку араллириға йеқин җайда һәрикәт қилғанлиқини билдүрди.

Ройтерсниң хәвәр қилишичә, гәрчә адәттә хитайниң деңиз чарлиғучи парахотлири бу җайда һәрикәт қилсиму, әмма японийә деңиз мудапиә қисимлири хитайниң парахотиниң қ қоралланғанлиқини, буниң тунҗи қетим көрүлгән әһвал икәнликини билдүргән.

Хитай ташқи ишлар министирлиқи баянатчиси хуң лей болса бүгүнки баянатида, японийәниң сөзини рәт қилип «бу адәттики әслиһәләр орунлаштурулған чарлиғучи парахот. У өзиниң земинида нормал чарлаш қиливататти» дейиш билән биргә, бу аралниң хитайға тәвәликини илгири сүргән.

Японийә ташқи ишлар вазарити баянатчиси такако ито ройтерсқа қилған сөзидә, японийә тәрәпниң хитайға қаттиқ наразилиқини билдүргәнликини вә хитайдин сенкаку араллири әтрапидики һәрикәтлирини тохтитишни тәләп қилғанлиқини ейтқан.

Хитай билән японийә һәр иккиси, хитай «дявйү» арили дәп атайдиған сенкаку тақим араллириниң өзигә тәвәликини илгири сүриду. Талаш-тартиштики арал бир қанчә қетим икки дөләт арисида дипломатик җиддийлик пәйда қилған иди.

Японийә деңиз чарлиғучи қисимлири хитайға тәвә бу қораллиқ чарлиғучи парахотниң тунҗи нөвәт сәйшәнбә күни чүштин кейин аралға 29 километир йирақлиқта көрүлгәнликини, иккинчи қетим болса чаршәнбә күни әтигән саәт 9 да көрүлгәнликини ейтқан.

Пикирләр (0)
Share
Толуқ бәт