Yaponiye qorallan'ghan xitay paraxotining sénkakugha yéqin jayda heriket qilghanliqini bildürdi

Muxbirimiz irade
2015-12-23
Share

Yaponiye charshenbe küni bir xitay déngiz qoghdighuchi paraxotining talash-tartishtiki sénkaku arallirigha yéqin jayda heriket qilghanliqini bildürdi.

Roytérsning xewer qilishiche, gerche adette xitayning déngiz charlighuchi paraxotliri bu jayda heriket qilsimu, emma yaponiye déngiz mudapi'e qisimliri xitayning paraxotining q qorallan'ghanliqini, buning tunji qétim körülgen ehwal ikenlikini bildürgen.

Xitay tashqi ishlar ministirliqi bayanatchisi xung léy bolsa bügünki bayanatida, yaponiyening sözini ret qilip "Bu adettiki esliheler orunlashturulghan charlighuchi paraxot. U özining zéminida normal charlash qiliwatatti" déyish bilen birge, bu aralning xitaygha tewelikini ilgiri sürgen.

Yaponiye tashqi ishlar wazariti bayanatchisi takako ito roytérsqa qilghan sözide, yaponiye terepning xitaygha qattiq naraziliqini bildürgenlikini we xitaydin sénkaku aralliri etrapidiki heriketlirini toxtitishni telep qilghanliqini éytqan.

Xitay bilen yaponiye her ikkisi, xitay "Dyawyü" arili dep ataydighan sénkaku taqim arallirining özige tewelikini ilgiri süridu. Talash-tartishtiki aral bir qanche qétim ikki dölet arisida diplomatik jiddiylik peyda qilghan idi.

Yaponiye déngiz charlighuchi qisimliri xitaygha tewe bu qoralliq charlighuchi paraxotning tunji nöwet seyshenbe küni chüshtin kéyin aralgha 29 kilométir yiraqliqta körülgenlikini, ikkinchi qétim bolsa charshenbe küni etigen sa'et 9 da körülgenlikini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet