Серикҗан билашниң қолға елиниши хәлқарада зор ғулғула қозғиди

Мухбиримиз әзиз
2019-03-12
Share

Хитай һөкүмитиниң уйғурлар дияридики сиясий бастуруш һәрикити җәрянида бир қисим қазақларниңму лагерларға елип кетилгәнлики мәлум.

Қазақистандики "атаюрт пидаийлири" намлиқ тәшкилат йеқинқи мәзгилләрдә дәл ашу қазақ тутқунлириниң қоюп берилиши үчүн паал һәрикәт қилип кәлгән иди. Қазақистан сақчилири мәзкур тәшкилатниң йетәкчиси, қазақистан пуқраси серикҗан билашни 10-март күни алмутада қолға елип астанаға елип кәткәндин кейин лагерлар мәсилисиниң йәнә бир тәрипи хәлқарада зор ғулғула қозғиди. Хәлқарадики һәрқайси чоң ахбарат васитилири бәс-бәстә бу тоғрилиқ хәвәр берип, хитай һөкүмитиниң бу вәқәдики роли тоғрисида һәр хил тәхминләр оттуриға чиқти.

"вашингтон почтиси" гезитиниң 11-марттики хәвиридә ейтилишичә, серикҗан билаш алмутада "атаюрт пидаийлири" тәшкилати арқилиқ лагер тутқунлириниң туғқанлири вә мунасивәтлик шаһитларни сөзләткән һәмдә мушу арқилиқ лагерларниң уйғур, қазақ вә башқа мусулман милләтләрниң мәдәнийити, тили вә миллий әнәнилирини йоқитиш мәқситидә қурулғанлиқини тәшвиқ қилған. Шуниңдәк уйғурлар дияридин қазақистанға көчүп чиққан қазақларниң бирнәччә қетимлиқ паалийитини тәшкилләп һәрқайси ахбарат васитилиригә бу һәқтики әһвалларни аңлатқан.

Хәвәрдә хитай билән қазақистанниң җуғрапийәлик мунасивити, қазақистанниң хитай иҗра қиливатқан "бир бәлвағ бир йол қурулуши" дики истратегийәлик орни, җүмлидин хитайниң қуруқлуқ арқилиқ явропаға тошулидиған маллириниң 60 пирсәнти қазақистандин өтидиғанлиқи тәпсилий муһакимә қилиниш арқилиқ "мушу хил көп қирлиқ мунасивәтниң мәвҗутлуқи түпәйлидин қазақистан даирилири хитай тәрәпниң йолйоруқини иҗра қилған болса буниң һечқандақ һәйран қалғучилики йоқ" дейилиду.

Хәвәрдә ейтилишичә, серикҗанниң паалийәтлири хитай һөкүмитини бәкму биарам қилған. Чүнки у көп қетим лагер шаһитлирини тепип келип гуваһлиқ бәргүзгән һәмдә хитай һөкүмитиниң мушу лагерлар арқилиқ мәдәнийәт қирғинчилиқи қиливатқанлиқидәк реаллиқни паш қилған.

Мәлум болушичә, серикҗан әслидә уйғурлар диярида туғулған болуп, кейинчә қазақистанға көчүп чиққан вә қазақистан пуқралиқини алған икән. У қолға елинғандин кейин "серикҗанни хитай сақчилири тутуп кетипту" дегән хәвәр көпләп тарқалған. Қазақистан сақчилири буниң иғва икәнликини испатлаш үчүн серикҗанни сөзлитип қисқа видйо ишлигән вә торларда тарқатқан. Мәлум болушичә серикҗан блаш һазир қоюш берилип өйигә нәзәрбәнд қилинғанкән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт