Qazaq kishilik hoquq pa'aliyetchisi 7 yilliqi qamaqqa höküm qilinish xewpige duch kelgen

Muxbirimiz erkin
2019-07-26
Share

Qazaqistanda "Ata yurt" namliq kishilik hoquq teshkilati qurup, lagérdiki qazaq tutqunlirining qoyup bérilishini telep qilish herikiti bashlighan qazaq pa'aliyetchi sérikjan bilash'oghli 7 yilliq qamaqqa höküm qilining xewpige duch kelgen.

Bilash'oghlining adwokati ayman ömerowaning bildürüshiche, nöwette sérikjan bilash'oghli qazaqistan teptish da'iriliri teripidin bashqilarni "Jihad" qa we "Milliy öchmenlikke qutratquluq qilish" bilen resmiy eyiblen'gen. Bilash'oghli yéqinqi 5 aydin buyan nursultan (astana) da izchil nezerbend astida tutup kéliniwatqan idi.

Ayman ömerowaning bildürüshiche, sot mehkimisi bu hepte uninggha bilash'oghlining 29‏-iyul küni sotlinidighanliqini uqturghan shundaqla teptish da'irilirining teyyarlighan eyibnamisini ewetip bergen. Eyibnamide bilash'oghli almutada ötküzülgen bir qétimliq yighinda bashqilarni "Jihad" qa chaqirish, "Milliy öchmenlikke qutratquluq qilish" bilen eyiblen'gen. Ayman ömerowaning bildürüshiche, eger sot uninggha jinayet békitse, u 2 yildin 7 yilighiche qamaq jazasigha höküm qilinishi mumkin iken.

Ayman ömerowa 24‏-iyul almutada ötküzgen axbarat yighinida bilash'oghlining qanun'gha xilapliq qilghanliqini ret qilip, "U peqet xitayning lagérlirida qazaq, qirghiz, Uyghurlarning kemsitishke uchrishigha qarshi axbarat jihadi élip bérishni tekitligen" dégen. Uning ilgiri sürüshiche, qazaqistan amanliq da'iriliri uning "Jihad" dégen sözini késip élip, bilash'oghlini eyibleshning delili ornida ishletken. Sérikjanning inisi aman bilash'oghli 26‏-iyul radiyomizgha bergen uchurida teptish da'irilirining sérikjan bilash'oghlini eyibleshte qazaq sha'iri muxter shaxanof we Uyghur rayonidin kélip qazaqistan puqraliqigha ötken béyjingperes birqanche qazaqni guwahchi qilip qolliniwatqanliqini bildürgen. Qazaqistan da'iriliri bilash'oghlini bu yil 3‏-ayda almutadiki bir méhmanxanida tutqun qilip, paytext nursultan'gha élip ketken we nursultanda mirzaqamaqta tutup turmaqta idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet