Firansiye agéntliqi: “Se'udi erebistandiki Uyghurlar imkansiz tallashqa duch kelmekte”

Muxbirimiz erkin
2020.01.27

Se'udi erebistandiki Uyghurlarning pasport qerelining toshup kétishi yaki toshup kétishke az qélishi seweblik qiyin ehwalda qéliwatqanliqi ilgiri sürüldi.

Firansiye agéntliqining xewer qilishiche, nöwette se'udidiki xitay elchixanisining Uyghurlargha pasport uzartip bérishni toxtatqanliqi seweblik ular pasportsiz qélish yaki xitaygha qaytip lagérlargha qamilishtek imkansiz bir tallashqa duch kelmektiken.

Firansiye agéntliqining muxbiri se'udi erebistanda turushluq pasport qereli ötüp ketken yaki ötüp kétish aldidiki 6 Uyghur a'ilisi bilen uchrashqan. Xewerde, ularning bir milyondin artuq Uyghur lagérlarda tutup turuluwatqan xitaygha qaytip kétishtin wehimige chüshkenliki tekitlen'gen.

Xewerde qeyt qilinishiche, xitayning se'udidiki diplomatik organlirining Uyghurlargha pasport yéngilap bérishni toxtatqinigha 2 yildin ashqan bolup, pa'aliyetchiler bu usulni xitayning chet'eldiki Uyghurlarni xitaygha qayturup kétish üchün qolliniwatqan bir xil taktikisi, dep qarimaqtiken. Xewerde, medinide oquwatqan 30 yashlardiki bir Uyghur oqughuchining sözi neqil keltürülgen bolup, bu oqughuchi: “Ular ya méning pasportumni yéngilap bérishi kérek yaki men puqraliqtin waz kéchishim kérek. Ular bizni héchqandaq qimmiti yoq ademlerdek hés qildurmaqta” dégen. Norwégiyede turushluq Uyghur pa'aliyetchi abduweli ayupning firansiye agéntliqigha bildürüshiche, “Xitayning chet'eldiki Uyghurlargha pasport yéngilap bérishni ret qilishi ularni imkansiz ehwalgha chüshürüp qoyup, xitaygha qayturup kétishke mejburlashtiki bir xil istratégiyesi” iken. U “Eger qaytip barsa ularni kütüp turghuni tutqundur” dégen. Se'udi erebistan xitayning 2017‏-yili bashlighan Uyghur rayonidiki keng kölemlik tutqunida béyjingni qollap kelgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.