Сәуди әрәбистан вәлиәһид шаһзадиси бин салман хитай "радикаллиққа қарши туруш тәбирлири" ни қоллиған

Мухбиримиз әркин
2019-02-22
Share

Хитайда зиярәттә болуватқан сәуди әрәбистан вәлиәһид шаһзадиси, йәни тәхт вариси муһәммәд бин салман хитайниң "террорлуқ" вә "радикаллиқ" қа қарши туруш тәдбирлирини елиш һоқуқи барлиқини билдүргән.

Хитай ахбарат васитилириниң илгири сүрүшичә, у 22‏-феврал күни хитай рәиси ши җинпиң билән көрүшкәндә бу сөзләрни қилған.

Муһәммәт бин салман хитай һөкүмити уйғурларниң мәдәнийити вә диний етиқадини қаттиқ чәкләп, 800 миңдин 2 милйонғичә уйғурни йиғивелиш лагерлириға қамиши хәлқарада қаттиқ тәнқидкә учраватқан бир вақитта хитайни зиярәт қилди. Шуңа, хәлқара көзәткүчиләр униң бу зиярити, уйғур мәсилисини оттуриға қоюп, өзиниң ислам дунясида рәһбәрлик ролини җари қилдуруши үчүн яхши пурсәт икәнликини илгири сүргән.

Америкиниң блумберг хәвәрлиридә 21‏-феврал күни елан қилинған бир мақалидә, сәуди хан җәмәтиниң өзини "икки һәрәмниң қоғдиғучиси" дәп атайдиғанлиқи, шуңа, муһәммәд бин салманниң лагерлар мәсилисини оттуриға қоюшиниң қанунлуқ икәнлики, бу униң хәлқарадики начар образини яхшилишиға азрақ болсиму пайдилиқ икәнлики илгири сүргән иди. Лекин, хитай мәркизи телевизийә истансисиниң хәвиридә баян қилинишичә, муһәммәд бин салман ши җинпиңға "хитайниң террорлуққа қарши туруш, диний әсәбийликни түгитиш тәдбирлирини елип, дөләт бихәтәрликини қоғдаш һәққи бар" дегән.

Лекин, бин салманниң раст бу сөзни қилған-қилмиғанлиқи һазирға қәдәр сәуди һөкүмити тәрипидин дәлилләнмиди. Сәуди әрәбистан һазирға қәдәр башқа мусулман дөләтлиригә охшашла хитайниң уйғур районидики мусулманларға тутқан муамилисигә сүкүт қилип кәлгән. Ройтерс агентлиқиниң җүмә күни хәвәр қилишичә, бин салманниң зиярити б д т кишилик һоқуқ кеңишиниң пәсиллик йиғини башлиниш һарписида елип берилған.

Ройтерсниң хәвиридә, йиғинда хитайниң лагерлар мәсилисидә, сәуди әрәбистанниң сәудилиқ журналист җамал қошуқчиниң истанбулдики сәуди консулханисида өлтүрүлүши сәвәблик қаттиқ тәнқидкә учриши мумкинлики билдүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт