Se'udi erebistan xitayning Uyghurlarni basturush siyasitini qollighanliqini aqlidi

Muxbirimiz erkin
2019-07-19
Share

Se'udi erebistan 19‏-iyul küni ötken hepte rusiye, pakistan, ereb elliri we bezi afriqa ellirini öz ichige alghan dunyadiki 36 dölet qatarida bir mektupqa imza qoyup, xitayning 2 milyondek Uyghur we bashqa musulmanlarni yighiwélish lagérlirigha qamashtek Uyghur rayonidiki siyasitini qollighanliqini aqlidi.

Roytérs agéntliqining xewer qilishiche, se'udi erebistanning b d t turushluq da'imiy wekili abdulla el mu'alimi 19‏-iyul nyu-york shehiride muxbirlargha qilghan sözide: “Mektupta peqet xitayning iqtisadiy tereqqiyati tilgha élin'ghan. Uningda tilgha élin'ghan mesile bu, bashqa mesile emes” dégen. Ötken düshenbe küni yaponiyeni öz ichige alghan gherbtiki 22 döletning b d t kishilik hoquq kéngishide turushluq elchiliri birleshme imzaliq mektup élan qilip, xitayning Uyghur rayonidiki yighiwélish lagérlirini derhal taqashni, tutqunlarni qoyup bérishni telep qilghan. Arqidinla rusiye, misir, se'udi erebistan, pakistan, paris qoltuqidiki eller we afriqadiki bezi döletler bir mektupqa imza qoyup, xitayning “Shinjang siyasiti” ni qollaydighanliqini bildürgenidi.

Roytérsning xewiride qeyt qilinishiche, abdulla el mu'alimi mektupqa imza qoyghanliqini aqlap: “Héchkim dunyadiki herqandaq yéridiki musulmanlarning ehwaligha se'udi erebistandek köngül bölmeydu. Biz bu mektupta insanlarni namratliqtin qutulduridighan tereqqiyat siyasitini qollaydighanliqimizni ipadiliduq” dégen. Se'udi erebistanning bu mektupta xitayni qollap imza qoyushi xelq'ara zor ghulghula qozghap, kishilik hoquq teshkilatlirining qattiq tenqidige uchrighan. Kishilik hoquq közitish teshkilatining b d t ishlirigha mes'ul diréktori lu'is charboné abdulla el mu'alimining sözni tenqidlep: “Bu mektup xitayning basturushigha uchrawatqan musulmanlarning yüzige urulghan bir shapilaq. Mentiqisizliqtiki éghir xataliq” dégen. Mektupqa xitayni qollap imza qoyghan 37 döletning hemmisi istibdat döletler bolup, mektupta “Shinjangda térrorluq we radikalliqqa qarshi turushta jiddiy zorluqlargha duch kelgen xitay, bir qatar térrorluq we radikalliqni tügitish tedbirlirini aldi” déyilgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet