Сәуди әрәбистан вә мисир һәрбий парахотлири йәмән деңиз тәвәликигә қарап йолға чиққан

Мухбиримиз җүмә
2015-03-28
Share


27 - Март сәуди әрәбистан вә мисир һәрбий парахотлири йәмән деңиз тәвәликигә қарап йолға чиққан. Америка авазиниң хәвәр қилишичә, мәзкур һәрбий парахотлар баб әдән (баб әл - мәндаб) боғузиға келип бу җайдики истратегийәлик деңиз йолини игиләйдикән. Мисир һәрбий даирилири бирләшмә агентлиқиға һәрбий парахотлириниң деңиз боғузиға йеқинлашқан яки берип болған болуши мумкинликини билдүргән.

Әдән боғузи қизил деңиз вә сувәйш қанилиға өтидиған муһим түгүнләрниң бири икән.

Алдинқи күни сәуди әрәбистан башчилиқидики әрәб бирләшмә қошунлири йәмәндики шиәләрдин тәшкилләнгән әлһутһийюн қозғилаңчилирини һавадин бомбардиман қилған.

Бомбардиманға 100 дин артуқ күрәшчи айропилан қатнашқанлиқи хәвәр қилған.

Мәлуматларда һава һуҗумида әлһутһийюнларниң бир қисим радар вә һәрбий әслиһәлирини өз ичигә алған һәрбийләр игидарчилиқидики биналарға зәрбә берилгәнлики билдүрүлгән.

Сәуди әрәбистан башчилиқидики бирләшмә әрәб армийисигә 10 әрәб дөлити аваз қошқан.

2012Йили йәмән президенти әли абдулла салеһ ағдурулғандин буян йәмән тоқунуш қайнимиға петип қалған иди.

Америка авазниң хәвәр қилишичә, салеһ қозғилаңчи әлһутһийюнлар билән һәмкарлашқан вә йәмәнниң пайтәхтини игилигән вә йәмәнниң башқа җайлиридики сүннийләр тоқунушуп пүтүн йәмәнгә кеңийишкә башлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт