"Sha'ir ghayb qiliwétilgende uning shé'iri sükütni buzidu"

23-Noyabir "Nyu-york waqti géziti" qatarliq taratqularda Uyghurshunas tarixchi joshuwa frimenning "Xitay méning proféssorumni ghayb qiliwetti, emma uning shé'irini jimiqturalmaydu" namliq bir maqalisi élan qilin'ghan bolup, "Xitayning bu zorawanliqi aldida shé'ir gerche héchnémige yardem bérelmisimu, köpligen Uyghurlar üchün éytqanda, umu bir küchlük qarshiliq qilish qoralidur" dégen nuqti'nezerni yorutup bergen.

Joshuwa frimen ependi bu maqaliside yétekchi ustazi we dosti abduqadir jalalidin bilen ötken kechmishini bayan qilghan bolup, 2016-yil uning bilen axirqi qétim körüshkenlikini, 2018-yildin kéyin uning milyonlighan Uyghurlar qatarida xitay da'iriliri teripidin tutup kétilgenlikini tilgha alidu.

Joshuwa frimen bu maqaliside abduqadir jalalidinning "Öyge qaytalmaydighan yol" namliq shé'irini misal keltürüp, bu shé'irningmu xitayning 2017-yildin bashlap Uyghurlargha salghan qebih ziyankeshlikige ispat bolalaydighanliqini, bu zulumgha qarshi Uyghurlarning her da'im küchlük bolushqa tirishiwatqanliqini, buning ichide shé'irning Uyghurlar üchün kem bolsa bolmaydighan küchlük wasite ikenlikini otturigha qoyidu. Bu maqaliside u shé'irning Uyghur medeniyiti we meniwiyitidiki rolini alahide tekitlep mundaq deydu: "Her bir Uyghur 1933-yil xitay miltarist teripidin öltürülgen sha'ir abduxaliq Uyghurni we uning 'oyghan'dégini shé'irini bilidu. Ot yürek sha'irlarning jenggiwar shé'irliri nechche ewladtin béri Uyghurlarning mustemlikichilikke, zulumgha qarshi küreshlirige ilham bérip keldi".

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar