Washin'gton shtatliq uniwérsitétida sha'ir tahir hamutning shé'irliri heqqide musha'ire we muhakime pa'aliyiti ötküzüldi

Muxbirimiz qutlan
2018-03-03
Élxet
Pikir
Share
Print

3-Ayning 3-küni amérikining gherbiy-shimal qismigha jaylashqan washin'gton shtatining merkizi sé'atul shehiride tunji qétim Uyghur shé'iriyiti heqqide musha'ire we muhakime pa'aliyiti ötküzüldi.

Washin'gton shtatliq uniwérsitéti teripidin uyushturulghan bu qétimliq pa'aliyet sha'ir tahir hamutning shé'iriy ijadiyitige béghishlandi. Washin'gton shtatliq uniwérsitétining yash oqutquchisi, medeniyet insanshunasliqi kespi boyiche doktorluqta oquwatqan darrén baylér ependi bu qétimliq pa'aliyetke riyasetchilik qildi. 

Mezkur pa'aliyet 3-mart küni chüshtin kéyin sa'et 3:00 de aldin bilen washin'gton shtatliq uniwérsitétida bashlandi. Andin sé'atuldiki dangliq kitabxana - "Élliyut qoltuqi kitabxanisi" da dawam qildi. Pa'aliyette sha'ir tahir hamut özining yéngidin neshr qilin'ghan "Ariliq we bashqilar" namliq shé'ir toplimidiki birqanche shé'irlirini Uyghur tilida déklamatsiye qildi. Arqidin washin'gton shtatliq uniwérsitétining Uyghur tetqiqatigha qiziqidighan oqughuchiliri sha'ir tahir hamutning in'glizchigha terjime qilin'ghan shé'irlirini déklamatsiye qildi. Pa'aliyetning axirida tahir hamutning shé'iriyet ijadiyiti, Uyghur edebiyatining eng yéqinqi ehwali we Uyghur diyarida kündin-kün'ge yamanliship kétiwatqan weziyet heqqide muhakimiler qanat yaydi.

Bu pa'aliyetke washin'gton shtatliq uniwérsitétining bir qisim oqutquchi-oqughuchiliri, shé'iriyetke qiziqidighan her sahe kishiliri, Uyghur diyari heqqide tetqiqat élip bériwatqan amérikiliq tetqiqatchilar shuningdek washin'gton shtatliq uniwérsitétida oquydighan Uyghur oqughuchilar qatnashti.

Sha'ir tahir hamutning shé'ir ijadiyiti 1980-yillarda bashlan'ghan bolup, uning kéyinki yillarda yazghan shé'irliri Uyghur awan'gart sha'irlar qoshunining yéngiche shé'iriyet éqimini berpa qilishida muhim rol oynighan. Tahir hamutning köpligen shé'irliri amérikiliq yash Uyghurshunaslardin darrén baylér, joshu'a fréman qatarliqlar teripidin in'gliz tiligha terjime qilinip, amérikidiki dangliq shé'iriyet zhurnalliridin "Chégrasiz sözler", "Bérkéliy shé'iriyet munbiri", "Asumptot", "Shash at", "Qoltuq sahili", "Banan'go kochisi" qatarliqlarda élan qilin'ghan.

Bu sha'ir tahir hamut shé'iriyiti heqqide amérika uniwérsitétlirida ötküzülgen ikkinchi qétimliq musha'ire pa'aliyiti bolup, 2016-yili küzde indi'ana uniwérsitétida tunji qétim "Tahir hamut shé'iriyet kéchiliki" ötküzülgen idi.

Toluq bet