Shendongda ishchilar ish tashlap namayish qildi

Muxbirimiz ümidwar
2015.01.25

Radi'omiz xitay tili bölümining xewer qilishiche, 1 - ayning 22 - 23 - künliri shendong ölkisining déju shehiridiki döletlik karxana shendong déju paxta toqumchiliq hessidarliq shirkiti ishchilarning ma'ashini 4 ay sozup bermigenliki üchün zawuttiki bir qanche ming ishchi ish tashlighan. Ishchilar shu künliri sheherning qatnash yollirini tosup namayish ötküzgen.

Saqchi terep köp sanda saqchi ewetip ularni tarqitishqa urun'ghan hemde 6 ishchi tutup kétilgen idi.

“Ulugh éra” gézitining xewer qilishiche, 22 - 23 - yanwar künliri bir qanche ming ishchi sheherning üch chong kochisini tosup namayish qilghanliqi üchün zor sanda saqchi küchi ajritilip, ularni qorshawgha alghan hemde 6 ademni tutqun qilghandin kéyin ishchilar saqchilardin tutup ketken ademlerni qoyup bérishni telep qilip, naraziliqini dawamlashturghan. Axiri, saqchilar bu 6 ademni qoyup bergen. Namayish netijisi süpitide ishchilar bilen zawut arisida aghzaki kélishim hasil qilinip, zawut ishchilarning ikki ayliq ma'ashni tarqitip bérishke maqul bolghan.

Xewerdin melum bolushiche, mezkur zawut 1958 - yili qurulghan bolup, shendongdiki chong tiptiki paxta toqumchiliq zawuti hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.