Шаңхәй пудоң айродромида партлаш вәқәси йүз бәргән

Мухбиримиз үмидвар
2016-06-13
Share


12 - Июн күни шаңхәй шәһиридики пудоң айродромида партлаш вәқәси йүз бәргән болуп, әнглийиниң б б с агентлиқиниң шаңхәйдә чиқидиған "әтигәнлик учур гезити"ниң хәвири асасида қәйт қилишичә, партлаш пудоң айродроминиң т2 намлиқ һава йоли бекәтлири бинасиниң филиппин вә тайланд һава йоллириниң нөвәтчи айропанлириға чиқиш үчүн рәсмийәт беҗириш орнида йүз бәргән.

Шинхуа агентлиқиниң хәвиридә дейилишичә, мәлум бир киши елип киргән поҗаңза партлап кетип, йеник ярилиниш әһвали көрүлгән. Вәқәдин кейин сақчилар дәрһал бу җайни контрол қилған. Әмма айропиланларниң нормал учуши тосқунлуққа учримиған.

Б б с агентлиқиниң йезишичә, пудоң айродромида өзи ясиған бомба партлаш вәқәси йүз берип, үч йолучи йеник яриланған. 30 яшлардики бир киши вәқәни кәлтүрүп чиқарған гумандар дәп қаралған, у өзиниң боғузиға пичақ уруп еғир яриланған болуп, дохтурлар уни қутулдурмақта икән.

Америка авазиниң хәвиридә ейтилишичә, сақчи тәрәп бир әр кишиниң пива ботулкиси билән өзи ясиған партлақучни тизимлаш үстили бар җайға ташлиғанлиқи вә арқидин у кишиниң өзиниң бойниға пичақ урғанлиқи вә ярисиниң еғирлиқи түпәйлидин униң җиддий қутулдуриливатқанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт