Shangxey pudong ayrodromida partlash weqesi yüz bergen

Muxbirimiz ümidwar
2016-06-13
Share


12 - Iyun küni shangxey shehiridiki pudong ayrodromida partlash weqesi yüz bergen bolup, en'gliyining b b s agéntliqining shangxeyde chiqidighan "Etigenlik uchur géziti"ning xewiri asasida qeyt qilishiche, partlash pudong ayrodromining t2 namliq hawa yoli béketliri binasining filippin we tayland hawa yollirining nöwetchi ayropanlirigha chiqish üchün resmiyet béjirish ornida yüz bergen.

Shinxu'a agéntliqining xewiride déyilishiche, melum bir kishi élip kirgen pojangza partlap kétip, yénik yarilinish ehwali körülgen. Weqedin kéyin saqchilar derhal bu jayni kontrol qilghan. Emma ayropilanlarning normal uchushi tosqunluqqa uchrimighan.

B b s agéntliqining yézishiche, pudong ayrodromida özi yasighan bomba partlash weqesi yüz bérip, üch yoluchi yénik yarilan'ghan. 30 Yashlardiki bir kishi weqeni keltürüp chiqarghan gumandar dep qaralghan, u özining boghuzigha pichaq urup éghir yarilan'ghan bolup, doxturlar uni qutuldurmaqta iken.

Amérika awazining xewiride éytilishiche, saqchi terep bir er kishining piwa botulkisi bilen özi yasighan partlaquchni tizimlash üstili bar jaygha tashlighanliqi we arqidin u kishining özining boynigha pichaq urghanliqi we yarisining éghirliqi tüpeylidin uning jiddiy qutulduriliwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet