Pakistan we hindistanning "Shangxey hemkarliq teshkilati" gha resmiy ezaliqi jakarlinidiken

Muxbirimiz irade
2017-06-01
Share

Hindistan axbarat torining xewer qilishiche, hindistan bilen pakistanning "Shangxey hemkarliq teshkilati" gha resmiy eza süpitide qobul qilin'ghanliqi mushu ay ichide jakarlinidiken. Xitay tashqi ishlar ministirliqi bayanatchisi xu'a chünying peyshenbe künidiki muxbirlarni kütüwélish yighinida, mushu ay ichide qazaqistanning paytexti astanada échilidighan shangxey hemkarliq teshkilati bashliqlar yighinida, pakistan we hindistanning ezaliqining resmiy halda jakarlinidighanliqini, buning   2001-yili teshkilat qurulghandin buyan teshkilatning tunji qétimliq kéngiyishni ishqa ashurushi bolup hésablinidighanliqini bildürgen.

Xu'a chünying yene " Buning bilen shangxey hemkarliq teshkilati eng köp zémin we nopusni öz ichige alghan rayon xaraktérlik bir teshkilat bolup qalghusi" dégen. Chet'ellerdiki közetküchiler yuqiridiki bu qararning amérika prézidénti donald tramp xelq'ara sehnidin chékinish siyasiti yürgüzüwatqan bir shara'itta otturigha chiqishining diqqet qozghaydighanliqini bildürmekte.

Xitay bashchiliqida  yili qurulghan "Shangxey hemkarliq teshkilati" ning rusiye, qazaqistan, özbékistan, tajikistan we qirghizistan qatarliq 6 resmiy ezasi bar bolup, iran , türkiye we erminiye qatarliq 10 döletmu közetküchi döletler qatarida teshkilatning yighinlirigha qatniship kelmekte. Shangxey hemkarliq teshkilati eza döletler ara herbiy hemkarliqni ilgiri sürüsh meqset qilghan bir teshkilat bolup, nurghun közetküchiler xitay hökümitining bu teshkilatni Uyghur élidiki hakimiyitini qoghdap qélish üchün qurghanliqini ilgiri süridu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet