Шаңхәй һәмкарлиқ тәшкилатиға әза дөләтләр башлиқлириниң 14 қетимлиқ йиғини җеңҗуда башланған

Мухбиримиз қутлан
2015-12-14
Share

Җуңго хәвәр ториниң хәвиригә қариғанда, шаңхәй һәмкарлиқ тәшкилатиға әза дөләтләр башлиқлириниң 14 қетимлиқ йиғини 14-декабир күни хитайниң җеңҗу шәһиридә башланған.

Йиғинға қазақистан, қирғизистан, русийә, өзбекистан, таҗикистан қатарлиқ дөләтләрниң баш министирлири қатнашқан. Ундин башқа афғанистан, пакистан, иран, һиндистан, моңғулийә қатарлиқ дөләтләрниң вәкиллириму көзәткүчилик салаһийити билән қатнашқан.

Шаңхәй һәмкарлиқ тәшкилатиниң бу қетимлиқ йиғинида сода-тиҗарәт һәмкарлиқини күчәйтиш, йипәк йоли иқтисадий бәлвеғини бәрпа қилиш һәмдә хәвпсизлик бойичә шериклик мунасивити орнитип районниң муқимлиқини илгири сүрүштәк 3 чоң тема муһакимә қилинған.

Мәлумки, шаңхәй һәмкарлиқ тәшкилати қурулуп, 2001-йили сентәбирдә қазақистан пайтәхти астанада тунҗи йиғинни өткүзгәндин буян, мәзкур тәшкилатқа әза дөләтләр нөвәт бойичә йиллиқ йиғинға саһибхан болуп кәлмәктә.

Көзәткүчиләр, шаңхәй һәмкарлиқ тәшкилати гәрчә иқтисадий вә сода җәһәттики һәмкарлиқни асас қилип қурулған бир лагердәк көрүнсиму, лекин униң түп нишани районниң бихәтәрлики, җүмлидин аталмиш “диний әсәбийлик” вә “террорлуқ” қа қарши һәрқайси әлләрниң иш бирликини көздә тутиду, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт