Shangxey hemkarliq teshkilatigha eza döletler bashliqlirining 14 qétimliq yighini jéngjuda bashlan'ghan

Muxbirimiz qutlan
2015-12-14
Share

Junggo xewer torining xewirige qarighanda, shangxey hemkarliq teshkilatigha eza döletler bashliqlirining 14 qétimliq yighini 14-dékabir küni xitayning jéngju shehiride bashlan'ghan.

Yighin'gha qazaqistan, qirghizistan, rusiye, özbékistan, tajikistan qatarliq döletlerning bash ministirliri qatnashqan. Undin bashqa afghanistan, pakistan, iran, hindistan, mongghuliye qatarliq döletlerning wekillirimu közetküchilik salahiyiti bilen qatnashqan.

Shangxey hemkarliq teshkilatining bu qétimliq yighinida soda-tijaret hemkarliqini kücheytish, yipek yoli iqtisadiy belwéghini berpa qilish hemde xewpsizlik boyiche shériklik munasiwiti ornitip rayonning muqimliqini ilgiri sürüshtek 3 chong téma muhakime qilin'ghan.

Melumki, shangxey hemkarliq teshkilati qurulup, 2001-yili séntebirde qazaqistan paytexti astanada tunji yighinni ötküzgendin buyan, mezkur teshkilatqa eza döletler nöwet boyiche yilliq yighin'gha sahibxan bolup kelmekte.

Közetküchiler, shangxey hemkarliq teshkilati gerche iqtisadiy we soda jehettiki hemkarliqni asas qilip qurulghan bir lagérdek körünsimu, lékin uning tüp nishani rayonning bixeterliki, jümlidin atalmish “Diniy esebiylik” we “Térrorluq” qa qarshi herqaysi ellerning ish birlikini közde tutidu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet