Hindistan we pakistanning “Shangxey hemkarliq teshkilati” gha resmiy ezaliqi jakarlandi

Muxbirimiz irade
2017.06.09
Share on WhatsApp
Share on WhatsApp

Firansiye agéntliqining xewer qilishiche, jüme küni “Shangxey hemkarliq teshkilati” hindistan bilen pakistanning teshkilatqa eza bolup qobul qilin'ghanliqini resmiy halda jakarlighan. Hindistan we pakistan rehberliri her ikkisi bergen bayanatlirida teshkilatta aktip we ijabiy rol oynaydighanliqini bildürüshken.

Pakistan bilen hindistan ikki dölet arisidiki munasiwet keshmir mesilisi sewebidin izchil yirik bolup kelgen bolsimu, emma “Shangxey hemkarliq teshkilati” ning hazir astanada échiliwatqan yighinida ikki dölet rehbirining qol éliship körüshkenliki, béyjing we moskwaningmu bu ikki dölet munasiwitining yaxshilinishigha ümid bilen qarighanliqi xewer qilinmaqta. 

Melum bolushiche, bu “Shangxey hemkarliq teshkilati” 2001- yili qurulghandin buyan tunji qétim eza sanini köpeytishi bolup, buning bilen shangxey hemkarliq teshkilati eng köp zémin we nopusni öz ichige alghan rayon xaraktérlik bir teshkilat bolup qalghan. Biraq, firansiye agéntliqi xewiride, bu teshkilatning simwol xaraktérlik teshkilatliqini, xitay bir yaqta bir belwagh, bir yol istratégiyisi boyiche öz tijaritini qilsa, rusiyening yene bir yaqta “Yawru-asiya iqtisad hemkarliqi” teshkilati arqiliq öz tijaritini qiliwatqanliqini bayan qilghan. 

Xitay bashchiliqida qurulghan “Shangxey hemkarliq teshkilati” ning rusiye, qazaqistan, özbékistan, tajikistan we qirghizistan qatarliq 6 resmiy ezasi bar idi. Hindistan we pakistanning qoshulushi bilen resmiy eza sani 8 ge yetti. Shangxey hemkarliq teshkilati eza döletler ara herbiy hemkarliqni ilgiri sürüsh meqset qilghan bir teshkilat bolup, nurghun közetküchiler xitay hökümitining bu teshkilatni Uyghur élidiki hakimiyitini qoghdap qélish üchün qurghanliqini ilgiri süridu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet